26 ویں آئینی ترمیم؛ بلاول کا مولانا فضل الرحمان سے بڑی خواہش کا اظہار

ویب ڈیسک

19th Oct, 2024. 05:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

26 ویں آئینی ترمیم؛ بلاول کا مولانا فضل الرحمان سے بڑی خواہش کا اظہار

اسلام آباد: 26 ویں آئینی ترمیم کے سلسلے میں بلاول بھٹو نے مولانا فضل الرحمان سے بڑی خواہش کا اظہار کردیا۔

چیئرمین پیپلزپارٹی بلاول بھٹو زرداری کا کہنا ہے کہ میری خواہش ہے کہ آئینی ترمیم کا مسودہ مولانا خود پیش کریں، حکومت نے صبر کی انتہا کردی ہے۔

چیئرمین پیپلزپارٹی نے کہا کہ پی ٹی آئی ثابت کرے کہ وہ سوشل میڈیا کا لشکر نہیں سیاسی جماعت ہے جب کہ پی پی پی اور جے یو آئی میں اتفاق ہوچکا ہے۔

بلاول بھٹو کہتے ہیں کہ سیاسی اتفاق رائے کے لیے ہم نے دن رات کام کیا، آئین سازی کا عمل تیزی سے آگے بڑھ رہا ہے، پی ٹی آئی حکومتی ڈرافٹ کو ووٹ نہ دے مگر مولانا کے ڈرافٹ کو تو دے۔

انہوں نے کہا کہ امید کرتا ہوں مولانا فضل الرحمان پی ٹی آئی کو قائل کرسکتے ہیں، سیاسی طور پر جو ممکن تھا وہ ہم نے کرلیا جب کہ ہمارے اور جے یو آئی کے مشترکہ ڈرافٹ میں کوئی فرق نہیں۔

بلاول بھٹو مزید کہتے ہیں کہ کل جو ڈرافٹ منظور ہوا اس کی وجہ سے غلط فہمی پیدا ہوئی جب کہ بلاول بھٹو مولانا فضل الرحمان سے ملاقات کے بعد ان کی رہائش گاہ سے روانہ ہوگئے ہیں۔