اسلام آباد: سپریم کورٹ نے کل سے شروع ہونے والے عدالتی ہفتے کی کازلسٹ جاری کردی۔

سپریم کورٹ میں 28 اکتوبر سے یکم نومبر تک کے لئے 968 مقدمات سماعت کے لئے مقرر کیے گئے ہیں، 8 ریگولر بینچز مقدمات کی سماعت کریں گے۔

پہلا بینچ چیف جسٹس یحییٰ آفریدی اور جسٹس شاہد بلال حسن پر مشتمل ہے، چیف جسٹس پاکستان کی عدالت میں پورے ہفتے کے لیے 140 مقدمات سماعت کے لئے مقرر ہیں۔

دوسرا بینچ جسٹس منیب اختر اور جسٹس اطہر من اللہ پر مشتمل ہے، دوسرے بینچ کے سامنے بھی 140 مقدمات سماعت کے لئے مقرر ہیں۔

تیسرا بنچ جسٹس امین الدین خان اور جسٹس عرفان سعادت خان پر مشتمل ہے، تیسرے عدالتی بینچ کے سامنے بھی 140 مقدمات سماعت کے لئے مقرر ہیں۔

اسی طرح چوتھا بینچ جسٹس جمال خان مندوخیل کی سربراہی میں جسٹس مسرت ہلالی اور جسٹس شہزاد احمد خان پر مشتمل ہے، چوتھے بینچ کے سامنے پورے ہفتے کے لئے 58 مقدمات سماعت کے لئے مقرر ہیں۔

پانچواں عدالتی بینچ جسٹس محمد علی مظہر اور جسٹس حسن اظہر رضوی پر مشتمل ہے، پانچویں بنچ کے سامنے 140 مقدمات سماعت کے لئے مقرر ہیں۔

چھٹا عدالتی بینچ جسٹس عائشہ ملک اور جسٹس عقیل عباسی پر مشتمل ہے، اس بینچ کے سامنے 140 مقدمات سماعت کے لئے مقرر ہیں۔

ساتواں عدالتی بینچ جسٹس شاہد وحید اور جسٹس نعیم اختر افغان پر مشتمل ہے، اس بینچ کے سامنے بھی 140 مقدمات سماعت کے لئے مقرر ہیں۔

آٹھویں اور آخری بینچ جسٹس سردار طارق مسعود اور جسٹس مظہر عالم میاں پر مشتمل ہے جب کہ اس بینچ کے سامنے 70 مقدمات سماعت کے لئے مقرر ہیں۔