مقبوضہ کشمیر؛ ایک حملے کے دوران بھارتی فوج کا ایک افسر ہلاک، 3 اہلکار زخمی

ویب ڈیسک

11th Nov, 2024. 05:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مقبوضہ کشمیر؛ ایک حملے کے دوران بھارتی فوج کا ایک افسر ہلاک، 3 اہلکار زخمی

سری نگر: مقبوضہ کشمیر میں ایک حملے کے دوران بھارتی فوج کا ایک افسر ہلاک اور 3 اہلکار زخمی ہوگئے۔

بھارتی میڈیا کے مطابق مقبوضہ کشمیر کے ضلع کشتواڑ کے علاقے کشوان میں مسلح افراد نے بھارتی فوجیوں پر حملہ کردیا جس کے نتیجے میں ایک افسر ہلاک اور 3 فوجی زخمی ہوگئے۔

بھارتی میڈیا کا کہنا ہے کہ بھارتی فوج علاقے میں ناکہ لگا کر تلاشی لے رہی تھی کہ جس دوران نامعلوم مسلح افراد نے فوجیوں پر حملہ کیا۔

بھارتی میڈیا نے بتایا کہ حملے میں ایک افسر اور 3 شدید زخمی اہلکاروں کو فوری قریبی ملٹری اسپتال منتقل کیا گیا جب کہ دوران علاج ایک جونیئر کمیشنڈ آفیسر ہلاک ہوگیا۔

مرنے والے افسر کی شناخت راکیش کمار کے نام سے ہوئی جب کہ دیگر زخمیوں میں سے بھی ایک کی حالت تشویش ناک بتائی جارہی ہے۔

تاحال کسی گروپ نے حملے کی ذمہ داری قبول نہیں کی ہے جب کہ بھارتی فوجی بھی حملہ آوروں کی شناخت کرنے میں ناکام رہی ہے۔