اسلام آباد اور خیبرپختونخوا کے مختلف شہروں میں زلزلے کے جھٹکے

ویب ڈیسک

13th Nov, 2024. 10:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد اور خیبرپختونخوا کے مختلف شہروں میں زلزلے کے جھٹکے

پشاور: اسلام آباد اور خیبرپختونخوا کے مختلف شہروں میں زلزلے کے جھٹکے محسوس کیے گئے ہیں۔

زلزلہ پیما مرکز کے مطابق پشاور، سوات، لنڈی کوتل، مردان، نوشہرہ، چارسدہ، ملاکنڈ، ہری پور، ایبٹ آباد شہر اور گردونواح میں زلزلے کے جھٹکے محسوس کیے گئے۔

زلزلے کی شدت 5.3 ریکارڈ کی گئی اور زلزلے کا مرکز ہندوکش ریجن افغانستان تھا جبکہ گہرائی 220 کلو میٹر تھی۔

زلزلے کے بعد لوگ خوف وہراس کے عالم میں گھروں اور دوکانوں سے باہر نکل آئے، زلزلے سے فوری طور پر کسی جانی یا مالی نقصان کی اطلاع نہیں ملی۔

ریسکیو 1122 کا عملہ ہائی الرٹ

پشاور، چارسدہ، نوشہرہ اور گرد نواح میں زلزلے کے جھٹکے کے بعد ریسکیو 1122 کا عملہ ہائی الرٹ کردیا گیا ہے۔

ریسکیو حکام کا کہنا ہے کہ ابھی تک کوئی ایمرجینسی کال ریسکیو 1122 کنٹرول روم کو موصول نہیں ہوئی، ریسکیو 1122 کے تمام چاک و چوبند دستے 24 گھنٹے عوام کی خدمت کے لیے کسی بھی سانحہ یا ایمرجینسی سے نمٹنے کے لئے الرٹ اور تیار ہیں۔