چند دنوں میں کورونا کے کیسز مزید بڑھ سکتے ہیں

ثمرا مظہر

08th Apr, 2020. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چند دنوں میں کورونا کے کیسز مزید بڑھ سکتے ہیں

جناح پوسٹ گریجویٹ میڈیکل سینٹر (جے پی ایم سی) کراچی کی ایگزیکٹو ڈائریکٹر ڈاکٹر سیمی جمالی نے کہا ہے کہ آئندہ چند دنوں میں کورونا کے کیسز مزید بڑھ سکتے ہیں۔

تفصیلات کے مطابق ایگزیکٹو ڈائریکٹر جے پی ایم سی ڈاکٹر سیمی جمالی نے کہا کہ جناح اسپتال میں کورونا وائرس کے مریض زیادہ تعداد میں نہیں آئے۔

ڈاکٹر سیمی جمالی نےکہا کہ کورونا وائرس کے اتنے مریض نہیں کہ اسپتالوں میں گنجائش سے زیادہ مریض آنے لگیں، البتہ لوگوں میں کورونا سے متعلق خوف پایا جاتا ہے۔

ایگزیکٹو ڈائریکٹر جے پی ایم سی سیمی جمالی نے یہ بھی کہا کہ لوگ گھروں سے غیر ضروری طور پر نہ نکلیں، سماجی فاصلہ برقرار رکھیں۔

خیال رہے کہ ملک میں کورونا وائرس کےمریضوں کی تعداد 4 ہزار 72 تک جاپہنچی ہےجبکہ مہلک وائرس سے 58 ہلاکتیں ہوچکی ہے۔

کورونا وائرس کے 467 مریض اب تک صحت یاب ہو چکے ہیں، 3 ہزار 549 افراد اسپتالوں میں زیرِ علاج ہیں جن میں سے 25 مریضوں کی حالت تشویش ناک ہے۔