آئی ایم ایف وفد قرض کی شرائط پر عملدرآمد کا جائزہ لینے پاکستان پہنچ گیا

عمر حیات خان

03rd Mar, 2025. 10:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف وفد قرض کی شرائط پر عملدرآمد کا جائزہ لینے پاکستان پہنچ گیا

اسلام آباد : عالمی مالیاتی فنڈ (آئی ایم ایف) وفد قرض کی شرائط پر عملدرآمد کا جائزہ لینے پاکستان پہنچ گیا۔

ذرائع کے مطابق وزارت خزانہ کے حکام اور آئی ایم ایف وفد کے درمیان تعارفی سیشن ہوا، تاہم آئی ایم ایف وفد کیساتھ اقتصادی جائزہ مذاکرات اسلام آباد کے نجی ہوٹل میں شروع ہوئے جو 15 مارچ تک جاری رہیں گے۔

ذرائع کا کہنا ہے کہ پہلے مرحلے میں تکنیکی اور دوسرے مرحلے میں پالیسی سطح کے مذاکرات ہوں گے، آئی ایم ایف وفد آئندہ مالی سال 2025-26 بجٹ کیلئے تجاویز دے گا۔

علاوہ ازیں وزارت خزانہ، وزارت توانائی، منصوبہ بندی، اسٹیٹ بینک، ایف بی آر، اوگرا، نیپرا سمیت دیگر اداروں اور وزارتوں کیساتھ مذاکرات ہوں گے جبکہ پنجاب، سندھ، خیبرپختونخوا اور بلوچستان سے بھی الگ الگ مذاکرات ہونگے۔

ذرائع کے مطابق پاکستان نے آئی ایم ایف کو رواں مالی سال کی ششماہی کارکردگی رپورٹ پیش کردی، آئی ایم ایف کو بجٹ اہداف کے حصول پر ابتدائی بریفنگ دی گئی۔

ذرائع نے مزید بتایا کہ تکنیکی سطح کے مذاکرات میں معاشی ششماہی رپورٹ کا جائزہ لیا جائے گا اور توانائی کے شعبے میں کی جانے والی اصلاحات کے حوالے سے بھی آگاہ کیا جائے گا۔