وزیرخارجہ شاہ محمود قریشی نے کورونا فنڈ کے لیے تقریباً دو کروڑ کا چیک وزیراعظم عمران خان کو پیش کردیا۔

وزیر اعظم عمران خان سے وزیر خارجہ شاہ محمود قریشی کی ملاقات ہوئی ، جس میں کورونا وباء کی صورتحال پر تبادلہ خیال کیا گیا ۔

ملاقات میں وزیرخارجہ شاہ محمود قریشی نے وزیر اعظم کو کورونا ریلیف فنڈ کے لیے وزارت خارجہ کے افسران اور سٹاف کی جانب سے ایک کروڑ ایک لاکھ بیاسی ہزار کا چیک پیش کیا ۔

وزیرخارجہ شاہ محمود قریشی نے کہا کہ وزارت خارجہ کورونا وائرس کے خلاف قومی جدوجہد کو مستحکم کرنے کے لیے  تیار ہے۔

ملک میں کوروناسے متاثرہ مریضوں کی تعداد4601 تک جاپہنچی

اس موقع پر وزیر اعظم نے کورونا ریلیف فنڈ کے حوالے سے وزارت خارجہ کے افسران اور سٹاف کے جذبے کو سراہا۔

یاد رہے اس سے قبل نیشنل کمانڈ اینڈ کنٹرول سینٹر کی جانب سے جاری اعداد و شمار کے مطابق گزشتہ 24 گھنٹوں کے دوران ملک بھر میں کورونا وائرس کے 2 ہزار 478 مشتبہ مریضوں کے ٹیسٹ کیے گئے جن میں سے 284 میں اس وائرس کی تشخیص ہوئی۔ جس کے بعد ملک بھر میں کورونا کا شکار افراد کی تعداد 4ہزار 601 ہوگئی ہے۔

سرکاری اعداد و شمار کے مطابق گزشتہ 24 گھنٹوں میں مزید 4 افراد کورونا کے ہاتھوں زندگی کی بازی ہار گئے جب کہ 45 کی حالت تشویشناک ہے۔ ملک میں کورونا سے جاں بحق افراد کی تعداد 66 ہوگئی ہے۔