وزیر اطلاعات پنجاب عظمیٰ نے کہا کہ مراد علی شاہ اور ان کی جماعت 16 سالوں سے حکمران ہے، اپنی کارکردگی بتائیں۔

وزیر اطلاعات پنجاب عظمیٰ بخاری نے مراد علی شاہ کی پریس کانفرنس پر ردعمل دیتے ہوئے کہا کہ مراد علی شاہ کو سندھ کے کسانوں سے زیادہ پنجاب کے کسان کے فکر ہے، پنجاب کے کسانوں کی فکر کرنے کےلیے پنجاب کے وارث موجود ہیں۔

عظمیٰ بخاری نے کہا کہ کیا سندھ میں کاشتکار نہیں ہیں؟کیا سندھ حکومت نے گندم کی قیمت مقرر کردی ہے؟کیا سندھ حکومت نے کسانوں سے گندم خرید لی ہے؟ مریم نواز نے ایک سال میں پنجاب کے کسانوں کو 110 ارب روپے کی تاریخی پیکج دیے ہیں۔

وزیر اطلاعات پنجاب کا یہ بھی کہنا ہے کہ مریم نواز نے پنجاب کے کسانوں کو کسان کارڈ، گرین ٹریکٹر، سپر سیڈر دیے ہیں، اس کے علاوہ  ٹیوب ویلز سولرائزیشن اور گندم پر 15ارب کا پیکج دیا ہے۔

عظمیٰ بخاری نے کہا کہ پنجاب میں اس سال ریکارڈ گندم کی پیداوار ہوئی ہے، آئندہ سال اس سے بھی زیادہ گندم کی پیداوار ہو گی، پنجاب کی ترقی اور خوشحالی دو صوبوں کی حکومتوں کے اعصاب پر سوار ہو چکی ہے۔

وزیر اطلاعات پنجاب نے مزید یہ بھی کہا کہ مراد علی شاہ پنجاب سے ملانے والی سندھ کی مرکزی شاہراہ کو بند کرنے والے مظاہرین کی حمایت کررہے، مراد علی شاہ کو گنڈا پور سے مختلف نظر آنا چاہیے۔