کراچی؛ واٹر ٹینکر اور سوزکی میں تصادم، ڈیڑھ سالہ بچہ جابحق، 7 افراد زخمی
کراچی: شہر قائد میں دندناتے واٹرٹینکر اور سوزکی میں تصادم کے نتیجے میں ایک اور ننھی جان چلی گئی جب کہ خواتین سمیت 7 افرادزخمی ہوگئے۔
کراچی کے علاقے گلشن حدید الجنت شادی حال کے قریب تیز رفتار واٹر ٹینکر اور سوزکی کے تصادم میں ڈیڑھ سالہ ساحل ولد نعیم جاں بحق ہوگیا جب کہ خواتین سمیت 7 زخمیوں کو اسپتال منتقل کردیا گیا ہے۔
زخمی ہونے والوں کی شناخت 30 سالہ آصف، 17 سالہ بختاور، 26 سالہ ارم، 50 سالہ عزیزا اور 50 سالہ کمالہ کے ناموں سے ہوئی جب کہ 35 سالہ سکینہ اور 22 سالہ نعیمہ بھی زخمیوں میں شامل ہیں۔
حادثے کے بعد پولیس نے ایک سوزوکی اور واٹر ٹینکر کو تحویل میں لے لیا اور ٹینکر ڈرائیور کو گرفتار کرکے تھانے منتقل کردیا گیا ہے۔
حادثے کے سبب علاقے میں اشتعال پھیل گیا تاہم پولیس نے فوری کارروائی کرتے ہوئے صورت حال پر قابو پالیا۔ عینی شاہدین کے مطابق حادثہ تیزرفتار کے سبب پیش آیا جب کہ پولیس واقعے کی مزید تحقیقات کررہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
