پہلگام واقعے کی آڑمیں مودی حکومت نے بھارتی معیشت پر تباہ کن خود کش حملہ کردیا جس سے بھارتی ایئرلائن انڈسٹری مکمل کریش کرگئی۔

نریندرمودی جنہیں بھارتی مسلمان گجرات کا قصائی سمجھتے ہیں، انہوں نے اب پاکستان دشمنی میں بھارتی معیشت کے تگڑے بیل کو ہی ’’بلی‘‘ چڑھادیا۔

ویسے تو مودی سرکار پاکستان کا پانی بند کرنے کے خواہشمند ہیں مگرحالیہ اقدامات نے بھارتی معیشت کا ہی بہاؤ روک کر اس کا جنازہ نکال دیا ہے، پاکستان کیخلاف اقدامات دراصل بھارت کی اپنی معیشت کے لئے تباہ کن ثابت ہوئے۔

واہگہ کے راستے 2023-24 میں 3 ہزار 886 کروڑ روپے کی تجارت کی جو کہ اب بند ہوگئی ہے۔

بھارتی ایوی ایشن انڈسٹری تیزی سے پھیلنے والی صنعتوں میں شمارہوتی ہے، اگلے 20 سال میں 30 ہزار نئے پائلٹس کی ضرورت ہے لیکن بھارتی حکومت کے حالیہ اقدام نے بھارتی ہوا بازی کی صنعت کے منستقبل کو خطرے میں ڈال دیا ہے۔

ایک رپورٹ کے مطابق 100 بھارتی طیارے پاکستان کی فضائی حدود استعمال کرتے ہیں، پاکستان کی فضائی حدود کی بندش سے یومیہ 400 بھارتی پروازیں متاثر ہوں گی۔

ایئرانڈیا، ایئر انڈیا ایکسپریس اور انڈیگو کو خاص طور پر بحیرہ عرب کے راستے لمبا روٹ اختیار کرنا پڑے گا جس سے سفری اخراجات میں اضافہ ہوگا۔

ایئرانڈیا سب سے زیادہ متاثرہونے والی بھارتی پرواز ہے جسے اس ماہ 100 کروڑ کا نقصان ہوا ہے، پروازوں کی منسوخی، اضافی اخراجات اور ریونیو خسارے کی مد میں ایئر انڈیا کو 372 کروڑ کا نقصان ہوا ہے، یہ 6 کروڑ یومیہ نقصان ہے۔