ویٹیکن کی جانب سے نئے پوپ کے انتخاب کی تاریخ کا اعلان کردیا گیا۔ کیتھولک عیائیسوں کے نئے روحانی پیشوا کا انتخاب 7 مئی ہوگا۔

یہ فیصلہ آنجہانی پوپ فرانسس کی آخری رسومات کے بعد ہونے والے  کارڈینلز کے اجلاس کے میں کیا گیا، 80 سال سے کم عمر 135 کارڈینلز خفیہ رائے شماری کے طریقہ کار کے تحت انتخاب میں حصہ لیں گے۔

یورپ سے 53 ،ایشیا اور اوشیانا سے 27 ، جنوبی اور وسطی امریکا سے 21، افریقہ سے 18 اور شمالی امریکا سے 16 کارڈینلز انتخاب میں حصہ لے رہے ہیں۔

انتخاب مشہور سسٹین چیپل میں ہوگا جس کو انتخاب کی تیاریوں کے سلسلے میں بند کردیا گیا ہے۔ 2005 اور 2013 کے انتخاب میں دنیا بھر سے 115 کارڈینلز نے حصہ لیا تھا۔

اٹلی 17 کارڈینلز کے ساتھ انتخابات میں حصہ لینے والا سب سے  بڑا ملک، دوسرے نمبر پربرازیل ہے۔ نئے پوپ کو کامیابی کے لئے دو تہائی اکثریت حاصل کرنا ضروی ہے ، انتخابی عمل اس وقت تک جاری رہتا ہے جب تک کہ نیا پوپ دو تہائی اکثریت حاصل نہ کرلے۔

ووٹنک کے عمل کا حتمی اعلان بیلٹ پیپر جلا کر سیاہ اور سفید دھویں کے ذریعے کیا جاتا ہے ، کسی بھی نئے پوپ کے دو تہائی اکثریت حاصل کر لینے اور اس کی کامیابی کے اعلان کے لئے سفید دھویں کا سہارہ لیا جاتا ہے جو اس بات کا اعلان تصور ہوتا ہے کہ نیا پوپ منتخب کرلیا گیا ہے۔

انتخابی عمل مکمل کرنے کے لئے دنوں کی قید نہیں ہوتی تاہم پوپ بینیڈکٹ اور پوپ فرانسس کے انتخاب کا عمل 2 دن میں مکمل ہوا تھا جبکہ 1903 اور 1922 میں یہ عمل 5 دن تک جاری رہاتھا۔