شرینتر مودی، جوکر،قوال،ٹرمپ کا خادم، بھارتی وزیراعظم کی وکٹری اسپیچ پرشدید ٹرولنگ شروع ہوگئی۔

مودی نے اپنی قوم سے خطاب کیا کیا بس شامت ہی آگئی،بھارتیوں نے ہی ٹرولنگ شروع کردی اوراپنے ہی وزیراعظم کوآڑے ہاتھوں لے لیا۔

ایک صارف نے تو ان کو شرینتر مودی لکھ ڈالا، کسی نے جوکرکہا توکسی نے امریکی خادم کوئی قوال کہہ گیاتوکسی نے بھارتی میڈیا کوتبلچی بنادیا۔

بھارتیوں سے خطاب بھارتی وزیراعظم کوبھاری پڑگیا۔ بھارتی ہی نہیں دنیا بھر سے سوشل میڈیاصارفین نے آڑے ہاتھوں لے لیا۔

خطاب باتیں کروڑوں کی اور دکان پکڑوں کی ثابت ہوا

بھارتی وزیراعظم مودی کا خطاب باتیں کروڑوں کی اور دکان پکڑوں کی ثابت ہوا،ایک تصویر میں انہیں ٹرمپ  کے  سامنے گھٹنوں کے بل بیٹھا دکھایاگیا۔

جگ ہنسائی کا سامان مودی نے خود فراہم کیا

اپنی جگ ہنسائی کاسامان بھارتی وزیراعظم نریندر مودی نے بذات خود فراہم کیا۔ایک صارف نے لکھا کہ جوکر اگر محل میں آجائے تو بادشاہ نہیں بنتا بلکہ محل سرکس بن جاتاہے۔

ایک اور صارف نے مودی کی وکٹری تقریر کا خلاصہ ایک تصویر کی صورت میں پیش کیا۔

جہاں ٹرمپ بیچ میں کھڑے ہیں،پاکستان نے وکٹری رپورٹ تھام رکھی ہے جبکہ بھارت سوجی ہوئی آنکھ اورسرپرپٹی باندھے بیٹھاہے۔

صارف کی جانب سے شیئرکی گئی ایک اور تصویردیکھیئے جہاں امریکی صدر ٹرمپ کومودی سے مائیک چھین کرکہتے ہوئے دکھایا گیا ہے کہ  جنگ رکوادی ہے۔

سوشل میڈیا صارفین نے گودی میڈیا کو بھی نہ بخشا مودی کو قوال بنایا اوربھارتی صحافی ارنب گوسوامی کوتال سے تال ملاتے دکھایاگیاہے ۔

شرینتر مودی ہمارے آبھاری پی ایم سے زیادہ بھاری کوئی نہیں!

ایک بھارتی صارف نے اپنے وزیراعظم کے نام کے آگے شرینتر مودی لکھا اورکوئی بھی  شرینتر رچنے میں ہمارے آبھاری  پی ایم سے زیادہ کوئی بھی بھاری نہیں۔

صارف نے لکھا کہ وکٹری اسپیچ کا تو معلوم نہیں مگر بہارکے الیکشن میں وکٹری پکی ہوگئی۔