لاہور: پی سی بی نے بنگلادیش کے خلاف تین میچوں پر مشتمل ٹی ٹوئنٹی سیریز کا شیڈول جاری کردیا، سیریز 28 مئی سے 1 جون تک لاہور میں کھیلی جائے گی۔
پاکستان کرکٹ بورڈ (پی سی بی) نے بنگلادیش کے خلاف تین ٹی ٹوئنٹی میچوں کی سیریز کے لیے نظرثانی شدہ شیڈول جاری کردیا ہے۔ نئی شیڈولنگ کے مطابق یہ سیریز 28 مئی سے 1 جون تک لاہور کے تاریخی قذافی اسٹیڈیم میں کھیلی جائے گی۔
پی سی بی کے مطابق سیریز کا پہلا میچ منگل 28 مئی کو ہوگا۔ دوسرا ٹی ٹوئنٹی میچ جمعرات 30 مئی کو کھیلا جائے گا۔ جب کہ تیسرا اور آخری میچ اتوار یکم جون کو ہوگا۔
Advertisement
یہ بھی پڑھیں: بنگلا دیش کے خلاف ٹی ٹوئنٹی سیریز کے لیے پاکستان کے 16 رکنی اسکواڈ کا اعلان
تینوں میچز رات8 بجے شروع ہوں گے جب کہ بنگلادیش کی کرکٹ ٹیم 25 مئی کو لاہور پہنچے گی۔ ٹیم کے کھلاڑی سیریز سے قبل26 اور 27 مئی کو ٹریننگ سیشنز میں حصہ لیں گے تاکہ قذافی اسٹیڈیم کی کنڈیشنز سے ہم آہنگ ہوسکیں۔
واضح رہے کہ یہ سیریز پاکستان اور بنگلادیش دونوں کے لیے ٹی ٹوئنٹی ورلڈ کپ 2026 کی تیاریوں کے تناظر میں اہم سمجھی جا رہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
