ایف اے ٹی ایف کے آج ہونے والے اجلاس میں  بھارت کو ایک بار پھرناکامی کا سامنا، پاکستان کو گرے لسٹ کے بجائے رپورٹنگ پر رکھنے کا فیصلہ کیا گیا۔

بھارت کے سفارتی وفد کی بھرپور کوشش رہی کہ پاکستان کو کے ایف اے ٹی ایف اجلاس میں ایک بار پھر گرے لسٹ میں شامل کرایا جائے، تاہم بھارت ایک بار پھر ناکام ہوگیا اور پاکستان عالمی اعتماد کے ساتھ کامیاب رہا۔

ذرائع کے مطابق آج ہونے والے ایف اے ٹی ایف اجلاس میں پاکستان کو گرے لسٹ میں رکھنے کی بجائے رپورٹنگ پر رکھنے کا فیصلہ کیا گیا، اس فیصلے کے بعد بھارت اپنے مقاصد حاصل کرنے میں مکمل طور پر ناکام ہو چکا ہے۔

ذرائع نے بتایا کہ اجلاس کے دوران چین نے پاکستان کے حق میں واضح مؤقف اختیار کیا اور ریلیف کی حمایت کی، اس کے علاوہ ترکی اور چاپان نے بھی پاکستان کی مکمل حمایت کی۔

آپریشن بنیان مرصوص کے بعد  بھارت نے پاکستان کو سفارتی سطح پر تنہا کرنے کے لیے بھرپور کوششیں کیں، اور پاکستان کیخلاف پروپیگنڈا کے لیے بھارتی خفیہ ایجنسی ’’را‘‘ پیش پیش رہی۔

ذرائع کا کہنا ہے کہ ’’را‘‘ نے پاکستان کو بدنام کرنے کے لیے نئی دہلی میں ایک ڈس انفو لیب بھی قائم کی، جس کا مقصد پاکستان کے حوالے سے بین الاقوامی دنیا کو گمراہ کرنا ہے۔

یہ بھی پڑھیں: ترکیہ کو ایف اے ٹی ایف کی منی لانڈرنگ گرے لسٹ سے نکال دیا گیا

اس ڈس انفو لیب کے ذریعے پاکستان کے خلاف جھوٹا اور من گھڑت پروپیگنڈا کیا جاتا ہے، بھارتی حکومت کے سفارتی وفود دنیا کے مختلف ممالک گئے اور ہر جگہ پاکستان کے خلاف زہر افشانی کی گئی، تاہم دنیا کے کسی بھی ملک نے بھارت کے سفارتی وفد کے بیانیے کو پذیرائی نہیں دی۔

ذرائع کے مطابق بھارت اسرائیل کی مدد سے ایف اے ٹی ایف کو پاکستان کے خلاف استعمال کرنے کی بھرپور کوشش کر رہا تھا، تاہم ایف اے ٹی ایف کے رکن ممالک نے بھارت کے منفی پروپیگنڈے کو نظر انداز کیا، بھارت کی تمام تر سازشوں کے باوجود پاکستان کو گرے لسٹ میں شامل نہ کرنا ایک بڑی کامیابی ہے۔

آپریشن بنیان مرصوص کے بعد سے پاکستان کی سفارتی پوزیشن مسلسل مضبوط ہو رہی ہے، ہندوتوا اور صہیونی لابی کی مشترکہ کوششیں بھی پاکستان کو گرے لسٹ میں شامل کروانے میں ناکام رہیں، یہ پاکستان کی سفارتی محاذ پر ایک اور کامیابی ہے۔