پاکستان سمیت 21 مسلم ممالک کے وزرائے خارجہ نے ایران پر اسرائیلی حملوں کی شدید مذمت کرتے ہوئے انہیں اقوام متحدہ کے چارٹر اور بین الاقوامی قوانین کی کھلی خلاف ورزی قرار دیا ہے۔
مشترکہ اعلامیے میں کہا گیا ہے کہ 13 جون سے ایران پر اسرائیلی حملے نہ صرف ایران کی خودمختاری اور علاقائی سالمیت کے خلاف ہیں بلکہ یہ خطے میں امن و استحکام کے لیے بھی سنگین خطرہ ہیں۔
مزید پڑھیں: اسرائیل ایران جنگ پر عالمی رہنماؤں کے ایک دوسرے سے رابطے جاری
اعلامیے میں تمام فریقوں سے فوری جنگ بندی اور کشیدگی میں کمی کے لیے اقدامات کا مطالبہ کیا گیا ہے۔
اس کے علاوہ، مشرق وسطیٰ کو جوہری ہتھیاروں سے پاک کرنے اور جوہری عدم پھیلاؤ کے معاہدے (NPT) میں شمولیت پر زور دیا گیا ہے۔ آئی اے ای اے کی نگرانی میں موجود جوہری تنصیبات پر حملوں کو عالمی قوانین کی خلاف ورزی قرار دیتے ہوئے ان سے گریز کی ضرورت پر زور دیا گیا ہے۔
Advertisement
مزید برآں، اعلامیے میں عالمی آبی گزرگاہوں میں بحری سکیورٹی اور آزاد نیویگیشن کے تحفظ کی اہمیت کو اجاگر کیا گیا ہے اور ایرانی جوہری پروگرام پر پائیدار معاہدے کے لیے مذاکرات کی بحالی کو واحد راستہ قرار دیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
