پاک فضائیہ کا تاریخی شاندار کارنامہ، پاکستان ایئر فورس کی جانب سے بھارت کے ڈاسو اوراگان طیارے کو انٹرسیپٹ کیے جانے کے 60 برس مکمل ہوگئے۔

 آج سے 60 برس پہلے 24 جون کے دن ہی پاک فضائیہ نے بھارتی طیارے کو سرنڈر اور لینڈ کرنے پر مجبور کیا۔

 بھارت کے فرانسیسی ساختہ اوراگان ٹیل نمبر آئی سی 698 طیارے نے پاکستانی حدود کی خلاف ورزی کی، طیارہ پاکستانی حدود میں جاسوسی مشن پر تھا۔

پاک فضائیہ کے ایف 104 اسٹار فائٹر طیارے نے بھارتی طیارے کو انٹرسیپٹ کیا، پاک فضائیہ کے 104  نے بھارتی طیارے کو بدین کے قریب جنگ شاہی گاؤں کے پاس کھلے میدان میں لینڈ کرنے پر مجبور کر دیا۔

 بھارتی طیارے کو فلائٹ لیفٹیننٹ رانا لال چند سیکا اڑا رہے تھے، بھارتی طیارے کا تعلق نمبر 51 اآگزلری سکواڈرن سے تھا، جبکہ طیارے نے جام نگر ایئر سٹیشن سے پرواز کی تھی۔

یہ بھی پڑھیں: پاکستان کے بڑے فیصلے سے بھارت کے فضائی آپریشنز کو مزید مشکلات کا سامنا

پاکستان نے بین الاقوامی قوانین کے تحت بھارتی پائلٹ کو حراست میں لیا، حکومت پاکستان نے 14 اگست 1965 کو یوم آزادی پر بھارتی پائلٹ کو  رہا کیا۔

 پاکستان نے بھارتی طیارے کے پائلٹ کو رہا کر کے دشمن کی اشتعال انگیزی کے باوجود امن پسندی کا ثبوت دیا۔

 بھارت نے فلائٹ لیفٹیننٹ لال چند سیکا کو 19 اکتوبر 1965 کو برطرف کر دیا، جبکہ پاک فضائیہ کے 104  کا بھارتی طیارے کو انٹر سیٹ کیا جانا ایک بے مثال کارنامہ ہے۔