وفاقی اداروں میں چین، روس، ایران اور شمالی کوریا کی AI ٹیکنالوجی کے استعمال پر مکمل پابندی کی تجویز پیش کی گئی ہے۔

امریکی قانون سازوں نے ایک نیا قانون متعارف کرایا ہے جس کے تحت وفاقی اداروں میں چین، روس، ایران اور شمالی کوریا میں تیار کی گئی مصنوعی ذہانت (AI) ٹیکنالوجیز کے استعمال پر مکمل پابندی عائد کی جائے گی۔

مزید پڑھیں: لداخ پر امریکی جنرل کا بیان، کیا چین امریکا کے درمیان تناؤ پھر بڑھ رہا ہے ؟

بل کا عنوان “نو ایڈورسیریل اے آئی ایکٹ” ہے، جسے ایوانِ نمائندگان میں ریپبلکن جان مولینار (مشی گن) اور ڈیموکریٹ راجا کرشنا مورتی (الی نوائے) نے مشترکہ طور پر پیش کیا۔

یہ اقدام ان خدشات کے پس منظر میں سامنے آیا ہے کہ دشمن ممالک کی AI ٹیکنالوجیز امریکی قومی سلامتی کو نقصان پہنچا سکتی ہیں یا حکومتی نظاموں میں دراندازی کا سبب بن سکتی ہیں۔

سینیٹ میں بھی اس بل کا ایک ہم پلہ ورژن سینیٹر رِک اسکاٹ (فلوریڈا) اور گیری پیٹرز (مشی گن) کی جانب سے پیش کیا گیا ہے۔

مزید پڑھیں: تائیوانی کمپیوٹرچپ، چین امریکا کشیدگی کی اصل وجہ

اہم نکات:

بل کی منظوری کی صورت میں وفاقی ادارے چین، روس، ایران اور شمالی کوریا میں تیار کردہ AI ماڈلز استعمال نہیں کر سکیں گے۔

فیڈرل ایکوزیشن سیکیورٹی کونسل ایسے سسٹمز کی فہرست تیار کرے گی اور اس کی باقاعدہ نگرانی کی جائے گی۔

کسی استثنا کی اجازت صرف کانگریس یا آفس آف مینجمنٹ اینڈ بجٹ سے منظوری کے بعد دی جا سکے گی۔

ان AI ماڈلز کو فہرست سے ہٹانے کا طریقہ بھی تجویز کیا گیا ہے، اگر یہ ثابت ہو جائے کہ وہ دشمن ممالک کے زیرِ اثر نہیں۔

DeepSeek  کا معاملہ

چینی AI کمپنی DeepSeek پر بھی خصوصی نظر رکھی جا رہی ہے، جس نے حال ہی میں ایک ایسا AI ماڈل متعارف کرایا ہے جو ChatGPT جیسی صلاحیتوں کا حامل ہے لیکن کم لاگت پر۔

مزید پڑھیں: ایران کی آبنائے ہرمز بند کرنیکی دھمکی کام کر گئی، امریکا کی چین سے مداخلت کی درخواست

امریکی انٹیلیجنس کے مطابق DeepSeek کا تعلق چین کی فوجی اور انٹیلیجنس اداروں سے ہے، اور اسے جدید Nvidia چپس تک رسائی حاصل ہے۔ اس کے بعد کئی امریکی اداروں نے DeepSeek کی مصنوعات کے استعمال پر پابندی لگا دی ہے۔

قومی سلامتی اولین ترجیح

جان مولینار نے کہا کہ امریکہ کو دشمن AI ٹیکنالوجیز کے خلاف واضح مؤقف اختیار کرنا ہوگا تاکہ حکومت کے حساس نظام غیر ملکی مداخلت سے محفوظ رہیں۔ ان کا کہنا تھا کہ یہ قانون ملک کے ڈیجیٹل انفراسٹرکچر کو محفوظ بنانے کی ایک اہم کوشش ہے۔

بل کو ڈیموکریٹ رچی ٹوریس (نیویارک) اور ریپبلکن ڈیرن لاہوڈ (الی نوائے) سمیت دیگر اراکین کی حمایت بھی حاصل ہے۔ یہ قانون طویل مدتی سطح پر غیر ملکی AI ٹیکنالوجیز سے لاحق خطرات کے تدارک کے لیے ایک جامع حکمت عملی کی بنیاد رکھے گا۔