پیٹرولیم مصنوعات کی قیمتوں میں بڑے اضافے کا امکان

ملک سعید اعوان

30th Jun, 2025. 01:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات کی قیمتوں میں بڑے اضافے کا امکان

وزارت خزانہ کے مطابق یہ قیمتیں اگلے 15 دن کے لیے نافذ العمل ہوں گی

اسلام آباد: آج رات 12 بجے سے پیٹرولیم مصنوعات کی قیمتوں میں 10 روپے 25 پیسے فی لیٹر کا بڑا اضافہ کرنے کا خدشہ ظاہر کیا جا رہا ہے۔

ذرائع کے مطابق قیمتوں میں یہ ممکنہ اضافہ آئندہ 15 روز کے لیے ہوگا، جس کا حتمی فیصلہ وزیراعظم سے مشاورت کے بعد وزارتِ خزانہ کرے گی۔

ذرائع کا کہنا ہے کہ پیٹرول کی قیمت میں 10 روپے 25 پیسے فی لیٹر جبکہ ہائی اسپیڈ ڈیزل کی قیمت میں 15 روپے 1 پیسے فی لیٹر تک اضافہ متوقع ہے۔

آئل اینڈ گیس ریگولیٹری اتھارٹی (اوگرا) آج حکومت کو پیٹرولیم مصنوعات سے متعلق اپنی سفارشات ارسال کرے گی، جس کی بنیاد پر وزارتِ خزانہ حتمی فیصلہ کرے گی۔

مزید پڑھیں: شہری پیٹرولیم مصنوعات پر بھاری ٹیکسز اور ڈیوٹیز کے بوجھ تلے دب گئے

اس سے قبل آئل انڈسٹری کی جانب سے اپنی ورکنگ اوگرا کو بھجوائی جا چکی ہے۔

حکومتی حکام کے مطابق پیٹرولیم مصنوعات کی قیمتوں میں ردوبدل عالمی منڈی میں خام تیل کی قیمتوں اور شرح تبادلہ کے اتار چڑھاؤ کو مدنظر رکھتے ہوئے کیا جاتا ہے، تاہم وفاقی حکومت صوابدیدی اختیارات کے تحت قیمتوں میں کمی یا اضافہ کرنے کا مکمل اختیار رکھتی ہے۔

عوام اس فیصلے کے منتظر ہیں کہ آیا مہنگائی کے اس دور میں حکومت عوامی ریلیف دے گی یا عالمی قیمتوں کے دباؤ میں آکر پیٹرول اور ڈیزل مہنگا کیا جائے گا۔