کورونا کیخلاف جنگ میں پاکستان کیلئے بڑی خوشخبری،آئی ایم ایف نے ریلیف دے دی

شبین رضا

17th Apr, 2020. 10:11 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا کیخلاف جنگ میں پاکستان کیلئے بڑی خوشخبری،آئی ایم ایف نے ریلیف دے دی

عالمی مالیاتی فنڈ (آئی ایم ایف) نے انسداد کورونا اور ریلیف کے اقدامات کو سراہتے ہوئے پاکستان کو ایک ارب 38 کروڑ ڈالر فراہم کرنے کی منظوری دے دی ہے، جاری اعلامیے میں پاکستان کے اقدامات کی بھی تعریف کی گئی۔

آئی ایم ایف کے ایگزیکٹیو بورڈ نے پاکستان کے لیے فنڈز کی منظوری دی، رقم کورونا سے پیدا ہونے والی صورتحال سے نمٹنے کیلئے استعمال کی جاسکے گی، پاکستان بیرونی ادائیگیوں کیلئے ہنگامی ضروریات پوری کر سکے گا۔

آئی ایم ایف اعلامیے میں کہا گیا ہے کہ کورونا کے پاکستانی معیشت پر انتہائی اہم اثرات مرتب ہوئے ہیں اور حکومت پاکستان نے کورونا وائرس کا پھیلاؤ روکنے کے لیے تیزی سے اقدامات کیے، اس مقصد کے لیے معاشی پیکیج کا بھی اعلان کیا گیا اور حکومت عوامی صحت پر اخراجات میں اضافہ کر رہی ہے۔

اعلامیے میں کہا گیا ہے کہ کورونا کے اثرات کم ہوتے ہی مذاکرات دوبارہ شروع کئے جائیں گے، پاکستان کے ساتھ 6 ارب ڈالر کے موجودہ پروگرام کے تحت بات چیت ہوگی۔