مسلم لیگ پنجاب کی ترجمان عظمیٰ بخاری  نے وزیر صحت ڈاکٹر یاسمین راشد کو فوری تبدیل کرنے اور چیف جسٹس سے از خود نوٹس لینے کا مطالبہ کردیا۔

تفصیلات کے مطابق مسلم لیگ (ن) پنجاب کی ترجمان عظمیٰ بخاری نے پنجاب میں ڈاکٹروں پر پولیس تشدد کی مذمت کرتے ہوئے کہا کہ کورونا لوگوں کی جانیں لے رہا ہے حکومت ڈاکٹروں پر ڈنڈے برسا رہی ہے۔

عظمیٰ بخاری نے کہا کہ نیب نیازی گٹھ جوڑ شہبازشریف کو نوٹسز بھجوانے میں مصروف ہے، جن کو نوٹس جانے چاہیں وہ وزیراعظم ہاوس میں ہیں لہزا چیف جسٹس  گرینڈ ہیلتھ الائنس پر پولیس تشدد کا نوٹس لیں۔

مسلم لیگ (ن) پنجاب کی ترجمان نے یہ بھی کہا کہ نیب اور نیازی قوم،ملک اور معیشت کےلئے سنگین خطرہ بن چکے ہیں جبکہ پنجاب حکومت کورونا کےخلاف جنگ لڑنے والے مسیحاوں پر پولیس سے حملے کروارہی ہے

اپنے بیان میں عظمیٰ بخاری نے کہا کہ ڈاکٹرز مسیحا ہوتے ہیں لیکن افسوس عمران خان کی جماعت کی ڈاکٹر بھی ان کی طرح فاشسٹ سوچ رکھتی ہیں۔

کرپشن اور ڈاکو کا نعرہ عمران کے گلے کا تعویذ بن چکا ہے ، عظمیٰ بخاری

مسلم لیگ (ن) پنجاب کی ترجمان کا کہنا تھا کہ یاسمین راشد اپوزیشن میں ینگ ڈاکٹرز کی خالق اور اقتدار میں آنے کے بعد فرعون بن چکی ہیں،تحریک انصاف نے پانچ سال جو بویا وہی ان کے سامنے آرہا ہے۔

عظمیٰ بخاری کا یہ بھی کہنا تھا کہ گرینڈ ہیلتھ الائنس ایک ہفتے سے حفاظتی کٹس کی فراہمی کا مطالبہ کررہا ہےجبکہ پوری دنیا میں طبی عملے کی خدمات کو خراج تحسین پیش کیا جا رہا ہےلیکن لاہور میں پنجاب پولیس کے جواں نہتے ڈاکٹروں کو تشدد کا نشانہ بنارہے ہیں۔

مسلم لیگ (ن) پنجاب کی ترجمان عظمیٰ بخاری کا مزید کہنا تھا کہ محکمہ صحت پنجاب کی کارکردگی صرف کورونا کے مریضوں کی تعداد بتانے تک محدود ہےجبکہ پنجاب کے وزیر صحت محکمہ صحت پر توجہ دینے کی بجائے گندم کی قیمتیں مقرر کرنے میں مصروف ہے۔