پی آئی اے نے حکومت کی خصوصی ہدایات پر برطانیہ کافلائیٹ آپریشن جزوی طور پر بحال کر دیا ہے۔
تفصیلات کے مطابق پی آئی اے 19 اپریل سے روزانہ لاہور اور اسلام آباد سے لندن، مانچسٹر اور برمنگھم کیلئےپروازیں چلائے گا ۔
ترجمان پی آئی اے کے مطابق انسانی ہمدردی کی بنیاد پر کرایوں میں خصوصی رعایت بھی متعارف کروادی گئی ہے، پروازیں آج صبح سے بکنگ کیلئے دستیاب ہیں۔
انہوں نے کہا کہ پھنسے شہریوں کو وطن واپس پہنچانا ہے اور پی آئی اے نے قومی مفاد میں فوری طور اپنی خدمات فراہم کردی ہیں، پروازوں کی اجازت تمام حفاظتی اصولوں پر عمل درآمد کی یقین دہانی پر دی گئی ہے۔
ترجمان نے مزید بتایا کہ پی آئی اے کا یکطرفہ رعایتی کرایہ ایک لاکھ 10ہزار روپے یا 525 پاؤنڈ ہوگا، پروازوں پر پہلے سے بکنگ رکھنے والے مسافروں کو بھی ایڈجسٹ کیا جائے گا۔
Advertisement
نئی بکنگ کروانے والے مسافر فوری طور پر پی آئی اے کی ویب سائٹ یا دفاتر سے رجوع کریں، پروازیں آج صبح سے بکنگ کیلئے دستیاب ہیں اور بکنگ پہلے آئیے پہلے پائیے کی بنیاد پر کی جائیں گی۔
ترجمان نے بتایا کہ براہ راست پروازوں کی وجہ سے مسافروں کے وائرس سے بچاو ٔکے امکانات سب سے زیادہ ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
