دبئی: قومی کرکٹ ٹیم کے ہیڈ کوچ مائیک ہیسن ایشیاکپ 2025 میں بہترین کارکردگی کے لیے پرعزم ہیں۔
قومی ٹیم کے ہیڈ کوچ مائیک ہیسن کا کہنا ہے کہ ایشیاکپ میں بہترین کارکردگی کے لیے پوری ٹیم پرعزم ہے۔ تمام کھلاڑیوں نے سخت محنت کی ہے اور ہماری تیاریاں مکمل ہیں۔
نیوز کانفرنس سے خطاب کرتے ہوئے مائیک ہیسن نے کہا کہ ٹی ٹوئنٹی میچ میں 180 رنز کا ہدف کافی ہوتا ہے اور پاکستان کے پاس بہترین اسپنرز موجود ہیں جو ایونٹ میں اہم کردار ادا کریں گے۔
انہوں نے کہا کہ بھارت کے خلاف میچ ایک نیا تجربہ ہوگا، ہمیں چیلنجز کا اندازہ ہے اور ٹیم ایشیاکپ میں شاندار کھیل پیش کرے گی۔
Advertisement
ہیڈ کوچ کا مزید کہنا تھا کہ دبئی کی پچ شارجہ سے مختلف دکھائی دے رہی ہے، اس لیے حکمتِ عملی بھی اسی حساب سے ترتیب دی جا رہی ہے۔
یاد رہے کہ ایشیاکپ 2025 کا آغاز ہوگیا ہے جس کا افتتاحی میچ افغانستان بمقابلہ ہانگ کانگ کے درمیان کھیلا گیا جس میں فتح افغانستان کے نام رہی۔
Advertisement
ایونٹ کا دوسرا مقابلہ بھارت اور یو اے ای کے درمیان ہوا جس میں بھارت نے یک طرفہ مقابلے کے بعد کامیابی سمیٹی جب کہ پاکستان کل 12 سمتبر سے عمان کے خلاف اپنی مہم کا آغاز کرے گا اور پاک بھارت مقابلہ 14 ستمبر کو شیڈول ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
