ورچوئل اجلاس سازش ہے

شبین رضا

21st Apr, 2020. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ورچوئل اجلاس سازش ہے

خواجہ محمد آصف کا کہنا ہے کہ حکومت کی خواہش ہے کہ بجٹ اجلاس ورچوئل کیا جائے، ورچوئل اجلاس ایک سازش ہے اور ہم اس سازش کا حصہ نہیں بنیں گے۔

تفصیلات کے مطابق ن لیگ نے قومی اسمبلی کے ویڈیو لنک کے اجلاس میں شرکت سے انکار کر دیاہے۔

لیگی رہنماؤں کا کہنا ہے کہ پارلیمنٹ کو معطل کرنا آئین کے ساتھ مذاق ہے، کسی سازش کا حصہ نہیں بن سکتے، عوام کے حقوق پر ڈاکہ ڈالنے نہیں دیں گے۔

ذرائع کے مطابق مسلم لیگ ن کے سینئر رہنماؤں خواجہ آصف، شاہد خاقان عباسی، خواجہ سعد رفیق سمیت احسن اقبال نے اسلام آباد میں میڈیا سے گفتگو کی۔

خواجہ آصف نے لیگی رہنماؤں کے ہمراہ میڈیا سے گفتگو کرتے ہوئے کہا حکومت کی خواہش ہوگی کہ ورچوئل اجلاس بلایا جائے، منتخب نمائندوں کی کارکردگی جاننا عوام کا حق ہے، ہم بحیثیت اپوزیشن اقدامات پر سوال کرنے کا حق رکھتے ہیں، بتایا جائے اقدامات سیاسی ہیں یا قومی ؟ پارلیمنٹ کو معطل کرنا آئین کو بگاڑنے کے مترادف ہے، سینیٹ اور قومی اسمبلی اجلاس بلانے کیلئے ہر حربہ اپنائیں گے، آئندہ 2 ماہ میں بجٹ آنے والا ہے۔

انھو ں نے مزید کہا کہ قومی اسمبلی اور سینیٹ کے اجلاس باقاعدہ بلائے جائیں، ہم ویڈیو لنک اجلاس میں شریک نہیں ہوں گے، مسلم لیگ ن ایسے کسی کام کا حصہ نہیں بنے گی جس میں اراکین شریک نہ ہوں گے۔