سندھ حکومت کی اجازت کے بغیر رہنما پی ٹی آئی فردوس نقوی نے اپنے حلقے میں غیرقانونی طور خصوصی اجازت سے بچت بازار لگوادیا۔

تفصیلات کے مطابق رہنما پی ٹی آئی و سندھ اسمبلی کے اپوزیشن لیڈر فردوس شمیم نقوی نے لاک ڈاون کی کھلی خلاف ورزی کرتے ہوئے سندھ حکومت کی اجازت کے بغیر غیرقانونی بچت بازار میں بینر لگواکر سبزیاں فروخت کی گئیں۔

رہنما پی ٹی آئی و اپوزیشن لیڈر سندھ اسمبلی فردوس شمیم نقوی کے لگائے گئے بچت بازار کی خصوصی فوٹیج بول نیوز نے حاصل کرلی۔

بچت بازار میں سبزیاں بیچنے والے افراد نے کورونا وائرس کی ایس او پی کی بھی دھجیاں اڑانے میں کوئی کسر نہیں چھوڑی۔

یاد رہے کہ کورونا وائرس کے دوران لاک ڈاون میں بچت بازاروں پر سندھ حکومت نے پابندی عائد کررکھی ہے

واضح رہے اس سے قبل سندھ اسمبلی میں قائدِحزبِ اختلاف اور پاکستان تحریکِ انصاف کے رہنما فردوس شمیم نقوی نے کہا تھا کہ پیپلزپارٹی نے سندھ کا بہت برا حال کردیا، صرف کورونا کورونا کا رونا نہیں کرو، پیسہ کھانا بند کرو، اسپتال ٹھیک کرو، کے 4 منصوبہ شروع کرو۔

فردوس شمیم نقوی کا وزیر اعلیٰ سندھ کو استعفیٰ دیکر الیکشن لڑنے کاچیلنج

شمیم نقوی نے کہا تھا کہ پیپلز پارٹی نے پاکستان کا بہت بیڑاغرق کر دیا جبکہ وزیراعلیٰ سندھ صرف خوف پھیلانے کے مشن پر ہیں جبکہ عوام کو لاک ڈاؤن کے نام پر بیوقوف بنایا جا رہا ہے، اندرون شہر کراچی میں سب کچھ کھلا ہوا ہے۔

حلیم عادل شیخ کا کہنا تھا کہ ایک طرف مرتضیٰ وہاب بولتے ہیں کہ وفاق ہمیں کٹس نہیں دیتی، پھر پتہ چلتا ہے کہ سندھ حکومت نے وفاق سے کٹس امپورٹ کر لی، سندھ گورنمنٹ نے پھر کہا کہ جعلی کٹس دی ہیں۔

فردو۔س شمیم نقوی کا مزید کہنا تھا کہ میرے حلقے میں علاقے سیل کر دیے گئے، کچی آبادیوں میں سماجی فاصلہ ممکن نہیں، ہم وزیرِ اعلیٰ سندھ مراد علی شاہ اور ان کے وزراء کو وکٹ کے دونوں طرف نہیں کھیلنے دیں گے۔