پاکستان کے معروف اداکار فیصل قریشی نے وزن میں واضح کمی پر ہونے والی چہ مگوئیوں کا خود ہی جواب دے دیا۔
گزشتہ دنوں اداکار کی کچھ تصاویر وائرل ہوئیں جن میں وہ پہلے سے خاصے دُبلے نظر آئے، جس پر مداحوں نے ان کی صحت سے متعلق تشویش کا اظہار کیا۔
امریکا کے شہر ہوسٹن میں ایک تقریب کے دوران گفتگو کرتے ہوئے فیصل قریشی نے وضاحت کی کہ ان کی وزن میں کمی کسی بیماری کا نتیجہ نہیں بلکہ آنے والے نئے کردار کے تقاضوں کے مطابق ہے۔
انہوں نے بتایا کہ میری صحت بالکل ٹھیک ہے، میں نے وزن صرف اس لیے کم کیا ہے کیونکہ میں نے ایک نیا اسکرپٹ فائنل کیا ہے۔ کیس نمبر 9 کو آٹھ ماہ ہوچکے ہیں اور اس دوران زیادہ تر کردار روایتی نوعیت کے تھے، اس لیے میں نے کچھ نیا کرنے کے لیے یہ پروجیکٹ قبول کیا، نئے ڈرامے کی شوٹنگ دسمبر میں شروع ہوگی۔
اداکار کی اس وضاحت کے بعد مداحوں نے اطمینان کا اظہار کرتے ہوئے خوشی ظاہر کی کہ وزن میں تبدیلی کسی بیماری کے باعث نہیں بلکہ محض پیشہ ورانہ تیاری کا حصہ ہے۔
مزید پڑھیں: منفرد کردار، فیصل قریشی خود پر ہونے والی تنقید پر بول اٹھے
