وفاقی وزیراطلاعات عطاتارڑ نے کہا کہ ملک میں پھیلائی جانےوالی افواہیں منظم سازش کاحصہ ہیں، پاکستان اور فوج کے خلاف پروپیگنڈا مہم کبھی کامیاب نہیں ہوگی۔
وفاقی وزیراطلاعات عطاتارڑ نے لاہور میں میڈیا سے گفتگو کرتے ہوئے کہا کہ پی ٹی آئی کاملک دشمن عناصرسےگٹھ جوڑبےنقاب ہوچکا ہے، ڈی جی آئی ایس پی آر نے سینئرصحافیوں کوسیکیورٹی صورتحال پر بریفنگ دی ہے افغانستان سےدراندازی روکنےکے لیے فوج کی بھرپورکارروائیاں جاری ہیں۔
انہوں نے کہا کہ خیبرپختونخواحکومت کی کمزوریاں دراندازی کےواقعات بڑھنےکی بڑی وجہ ہے، خیبرپختونخوا میں دہشت گردی کے 4 ہزار سے زائد کیسز پر فرد جرم تک عائد نہیں ہوسکی، گزشتہ 12سال میں خیبرپختونخوا میں پراسیکیوشن کا مؤثر نظام نہیں بنایاجاسکا۔
وزیراطلاعات کا کہنا تھا کہ وزیراعلیٰ خیبرپختونخوا کو اڈیالہ جیل کےباہرنعرےلگانےآتےہیں لیکن پراسیکیوشن کی اسپیلنگ نہیں آتی، سیاسی، دہشت گرد اور جرائم پیشہ عناصر کا گٹھ جوڑ خیبرپختونخوا کی ناکامی کی جڑہے۔
عطاتارڑ نے کہا کہ نان کسٹم پیڈگاڑیوں کےباعث خزانےکواربوں کانقصان،رقم دہشت گردی میں استعمال ہورہی ہے، خیبرپختونخواحکومت ڈرگ اسمگلنگ اورغیرقانونی مائننگ روکنےمیں ناکام ثابت ہوئی، نان کسٹم پیڈگاڑیوں، منشیات کا پیسہ دہشت گردی کے لیے استعمال ہونے سے روکنا کس کی ذمہ داری ہے؟ 9 مئی کاحملہ فوج کوکمزورکرنےکی کوشش تھی۔
انہوں یہ بھی کہا کہ بانی پی ٹی آئی کی بہنیں 9 مئی کو کور کمانڈر ہاؤس حملےمیں ملوث تھیں، پی ٹی آئی کومعرکہ حق میں پاکستان کی فتح ہضم نہیں ہورہی ہے، 9 مئی کے منصوبہ ساز اور سہولت کارجلد قانون کےکٹہرےمیں ہوں گے، خیبرپختونخوامیں پراسیکیوشن بالکل ناکام ہے، پراسیکیوشن کاسسٹم صوبائی حکومت کےماتحت ہے۔
وزیراطلاعات کا کہنا ہے تھا کہ وزیراعلیٰ خیبرپختونخوااوران کی پارٹی نےکسی دھماکےکی مذمت تک نہیں کی، آج بھی خیبرپختونخوا میں غیرقانونی ٹھیکوں پرپہاڑکاٹےجارہےہیں، کیانورین خان نیازی نےبھارتی چینل پرکشمیرکی بات کی؟ کیانورین خان نیازی نےبھارتی چینل پرشہداءکی بات کی؟ کاش،نورین خان نیازی بھارتی چینل پر7جہازگرانےکی بات کرتیں۔
یہ بھی پڑھیں: کے پی میں سرکاری خزانے سے اربوں روپےسوشل میڈیاپر پروپیگنڈے کیلئے دیاجاتاہے، عطاتارڑ
عطاتارڑ نے کہا کہ پی ٹی آئی کےتمام مذموم منصوبےناکام ہورہےہیں، پاکستان کی سلامتی کونقصان پہنچانےاوراداروں کےخلاف زہراگلنےوالوں کوروکیں گے، جیل مینوئل اوررولزکےمطابق قیدی سےملاقات کےکچھ قواعدوضوابط ہیں، اڈیالہ جیل کےباہرامن وامان خراب کرنےکی اجازت نہیں دی جائےگی۔
ان کا کہنا تھا کہ بھارتی اور افغان میڈیا پاکستان مخالف پروپیگنڈا کاحصہ بنے ہوئےہیں، افواہوں کامقصد فوج کی توجہ دہشت گردی کےخلاف آپریشن سےہٹاناہے، پاک فوج ہرقسم کی دراندازی کابھرپورجواب دینےکی صلاحیت رکھتی ہے۔
عطاتارڑ نے مزید کہا کہ پاکستان کی معیشت درست سمت میں گامزن،عالمی ادارےبھی تعریف کررہےہیں، پی ٹی آئی رہنماؤں کابیرون ملک پاکستان مخالف بیانیہ انتہائی افسوسناک ہے، پاکستان اورفوج کےخلاف پروپیگنڈامہم کبھی کامیاب نہیں ہوگی۔
