ان دنوں سوشل میڈیا پر اداکار محسن عباس کا اہلیہ پر تشدد کا معاملہ زیر بحث بنا ہوا ہے ، اداکارہ حمائمہ ملک نے محسن عباس کی اہلیہ فاطمہ سے اظہار یکجہتی کرتے ہوئے اپنے اوپر ہونے والے ظلم کی داستان اپنی پوسٹ کے ذریعے بیان کی ہے۔

حمائمہ ملک نے اپنی ازدواجی زندگی کے چھپے رازوں کو پہلی بار بے نقاب کرتے ہوئے سوشل میڈیا سائٹ انسٹاگرام پر اپنے اوپر کیے جانے والے ظلم کی داستان بیان کرتے ہوئے کہا ہے کہ مجھ پر کیے جانے والے مظالم آج بھی دن رات مجھے پریشان کرتے ہیں، شادی کے تین برسوں تک ظلم برداشت کرتی رہی اور اپنے لیے کچھ نہ کرسکی جس کے باعث آج شرمندہ ہوں۔

حما ئمہ ملک مزید کہتی ہیں کہ جب ان کی شادی ہوئی تھی تب ان کی عمر صرف بیس برس تھی اور وہ اپنے اوپر ہونے والے مظالم اپنے اہل خانہ کو بتا نہیں پائیں تھیں..اداکارہ نے مزید کہا کہ انہیں ایک بار نہیں بلکہ کئی بار دھمکایا گیا لیکن اب وہ بالکل خوفزدہ نہیں ہیں بلکہ اس بات پر پچھتا رہی ہیں کہ اب تک خاموش کیوں رہیں۔

وا ضح رہے کہ اداکارہ حمائمہ ملک نے نا مور اداکار شمعون عباسی سےسال 2010 میں شادی کی تھی لیکن یہ شادی زیادہ عرصہ برقرار نہ رہ سکی اور دونوں کے درمیان دو برس بعد ہی طلاق ہوگئی تھی۔