مڈگاسکرمیں ماسک نہ پہننےوالوں سےسزاکےطورپرفٹ پاتھ کی صفائی کرواناشروع کردی۔

غیرملکی خبررساں ادارےکےمڈگاسکرمیں پیرکےروزپولیس نےکوروناوائرس سےبچاؤکےلیےماسک نہ لگانےوالےشہریوں کو سزاکےطورپرفٹ پاتھ صاف کرنےپرمجبورکردیا۔ قانون نافذکرنےوالی فورس کےمطابق مذکورہ افرادکوسڑک پرچلتےہوئےپکڑاگیا تو ان کےچہروں پرماسک نہیں تھے۔

حکام کی جانب سےکہاگیاہےکہ یہ نیا قانون پیر 20 اپریل سےنافذ العمل ہے۔ حکام نےشہریوں کوخبردارکیاہےکہ جولوگ ماسک کےبغیرگھروں سےنکلیں گےانہیں اس سزاکاسامناکرناپڑےگا۔

ملک کےصدرآندرےراجولینانےدارالحکومت انتاناناریوواوردیگردوشہروں ویانارانستوااورتواماسینا میں لوگوں کوپابندکیاہےکہ وہ گھرسےباہرنکلتےہوئے چہروں پرماسک لگائیں۔

انسدادِ کورونا آپریشن کےسربراہ جنرل ایلک آندریاکیانےسرکاری ٹی وی سےگفتگوکرتےہوئےکہا کہ سڑکوں پر 70 فی صد لوگ مذکورہ قاعدےکی پاسداری کررہےہیں کیوں کہ انہیں ڈرہےکہ دوسری صورت میں وہ فٹ پاتھ کی صفائی پرمجبورہوجائیں گے”۔

دوسری جانب پولیس کےنائب سربراہ نے بتایا کہ دارالحکومت انتاناناریوواورویانارانستواشہرمیں پیرکےروز500 سےزائدافرادکو مذکورہ سزاملی۔

واضح رہے کہ مڈگاسکر میں اب تک کورونا وائرس کے 128 کیسزسامنےآئےہیں، جن میں سے 75 مریض صحتیاب ہوچکےہیں جبکہ مرض سےاب تک کوئی ہلاکت نہیں ہوئی۔