وزیرِاعظم عمران خان سے  وزیر برائے سیفران صاحبزادہ محبوب سلطان کی ملاقات ہوئی جس میں ممبران نے وزیراعظم سے فیصل آباد اور جھنگ میں سمال انڈسٹریز کو کھولنے  کی درخواست کی۔

ممبران قومی اسمبلی  نے وزیرِ اعظم کو احساس پروگرام کے تحت اپنے حلقوں میں ضرورت مندوں کی مدد اور مستحق افراد میں شفاف طریقے سے مالی امداد کی تقسیم کے حوالے سے آگاہ کیا گیا۔

ممبران کا وزیراعظم کے مہنگائی پر قابو پانے کے اقدامات  اور ذخیرہ اندوزی کے خلاف موثر ہدایات کی تعریف کی۔

وزیرِاعظم نے ممبران کے حلقوں میں فلاحی اور ترقیاتی امور کے حوالے سے ہدایات بھی جاری کیں جبکہ ممبران نے اپنے حلقوں میں عوامی فلاحی منصوبوں اور ترقیاتی امور کے حوالے سے بھی وزیراعظم کو آگاہ کیا۔

وزیر برائے سیفران صاحبزادہ محبوب سلطان سے ملاقات میں وزیرِ اعظم  نے کہا کہ کورونا وائرس کی صورتحال میں عوام کو ریلیف فراہم کرنے کے ضمن میں ہر ممکنہ کوشش کی جائے۔

وزیرِ اعظم عمران خان نے مزید کہا کہ عوام کو حفاظتی تدابیر اختیار کرنے کی ترغیب دی جائے تاکہ اس وباء کا خاتمہ کیا جا سکے۔

کوروناوائرس: عمران خان اور بل گیٹس کا ٹیلی فونک رابطہ

ملاقات میں ممبران قومی اسمبلی غلام بی بی بھروانہ، محمد امیر سلطان، غلام محمد لالی اور ریاض فتیانہ ، تحریک انصاف کے قومی اسمبلی میں چیف وہپ ملک عامر ڈوگر بھی شریک ہوئے۔

واضح رہے کہ وزیراعظم عمران خان اور مائیکروسافٹ کے بانی بل گیٹس کے درمیان ٹیلی فونک رابطہ ہوا جس میں دونوں رہنماؤں کے درمیان کوویڈ 19 پر بات چیت ہوئی۔

اس موقع پر وزیراعظم نے مشکل وقت میں تعاون پر گیٹس فاؤنڈیشن اور دیگر عالمی پارٹنرز کو سراہا جبکہ بل گیٹس نے بھی کورونا وائرس کے پیش نظرحکومت پاکستان کے اقدامات کو سراہا۔

وزیراعظم نے کہا تھا کہ پاکستان کو دوہری مشکلات کا سامنا تھا، ہمیں کورونا کے ساتھ لاک ڈاؤن کے دوران عوام کو بھوک سے بچانے کا بھی چیلنج تھا۔