لاک ڈاؤن میں نرمی کا مقصد ہرگز نہیں کہ کورونا پر قابو پالیا

شبین رضا

05th May, 2020. 12:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاک ڈاؤن میں نرمی کا مقصد ہرگز نہیں کہ کورونا پر قابو پالیا

گورنر پنجاب چوہدری محمد سرور نے کہا ہے کہ لاک ڈاؤن میں نرمی کا مقصد ہرگز نہیں کہ کورونا پر قابو پالیا۔

تفصیلات کے مطابق لاہور میں میڈیا سے گفتگو کرتے ہوئے گورنر پنجاب چوہدری محمد سرور نے کہا ہے کہ امدادی سرگرمیوں میں مخیرحضرات اور فلاحی تنظیموں کا کردار قابل ستائش ہے، کورونا کے چیلنج سے نمٹنے کے لیے سب کو اپنے رویوں کو بدلنا ہو گا۔

گورنر پنجاب کا کہنا تھا حالات کے مطابق اپنے طور طریقوں کو بدلنا ہوگا، ابھی کورونا وائرس بحران ختم نہیں ہوا، کورونا کے پیش نظر مشکل حالات سے گزر رہے ہیں، کورونا وائرس خطرناک مرض ہے، اس کیخلاف جنگ گھر میں بیٹھ کر جیتنی ہے، مستحقین کی مالی معاونت کیلئے اہم اقدام کیے ہیں۔

چودھری سرور نے مزید کہا این جی اوز ساڑھے 5 لاکھ راشن بیگز تقسیم کرچکی ہیں، کورونا وائرس کیخلاف عوام احتیاطی تدابیر اختیار کریں، مشکل گھڑی میں پوری قوم ہماری طرف دیکھ رہی ہے، امید ہے سیاسی اور کاروباری شخصیات لوگوں کی مدد کریں گے، کوروناوائرس کے باعث چھوٹے کاروبارتباہ ہوگئے، یورپ میں کورونا سے کئی خاندان ہلاک ہوگئے۔

ان کا کہنا تھا کہ کورونا وائرس بے قابو ہوچکا ہے اس کی کوئی سرحد نہیں، یہ وقت سیاست کرنے کا نہیں کورونا کیخلاف لڑنے کا ہے۔

ان کا کہنا تھا کہ ہم ڈاکٹرز اور طبی عملے کو خراج تحسین پیش کرتے ہیں اور ریسکیو اہلکار مشکل وقت میں قوم کے شانہ بشانہ کھڑے ہیں۔