ایوانکا کی پاکستانی خواتین کیلئے منصوبوں میں تعاون کی پیشکش خوش آئند ہے،فردوس

عمر اللہ حسینی

28th Jul, 2019. 06:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایوانکا کی پاکستانی خواتین کیلئے منصوبوں میں تعاون کی پیشکش خوش آئند ہے،فردوس

وزیر اعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ امریکی صدر ڈونلڈ ٹرمپ کی دختر ایوانکا ٹرمپ کا پاکستان میں خواتین کی فلاح وبہبود کےمنصوبوں میں دلچسپی کا اظہار وزیراعظم عمران خان کے خواتین کو بااختیار بنانے کے وژن کی تکمیل میں معاون ثابت ہو گا۔

تفصیلات کے مطابق ڈاکٹر فردوس عاشق اعوان نے اپنے ٹویٹ میں کہا کہ امریکی صدر کی دختر ایوانکا ٹرمپ جوڈونلڈ ٹرمپ کی مشیر بھی ہیں، سے وزیراعظم کے معاون خصوصی زلفی بخاری کی ملاقات میں ملک کی خواتین کو بااختیار بنانے کیلئے تعاون کی پیشکش،ہیومن ریسورس ڈویلپمنٹ،روزگار کا فروغ اور وزیراعظم کے دل کے قریب احساس پروگرام کی سپورٹ نہایت خوش آئندہے۔

ڈاکٹر فردوس نے کہا کہ عورتوں کے حقوق ہمارے دین اور آئین کا حصہ ہیں۔اقتصادی محاذ پر کامیابی کیلئے خواتین کی معاشی ترقی ناگزیر ہے۔دنیا میں ان معاشروں نے ترقی کی جہاں مختلف شعبہ ہائے زندگی میں خواتین کا مرکزی کردار رہا۔