شاہین رضا کورونا سے انتقال کرگئیں

ثمرا مظہر

20th May, 2020. 12:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہین رضا کورونا سے انتقال کرگئیں

پاکستان تحریک انصاف کی رکنِ پنجاب اسمبلی شاہین رضا کورونا وائرس میں مبتلا ہونے کے بعد لاہور کے میؤ اسپتال میں انتقال کرگئیں۔

تفصیلات کے مطابق اسپتال کے سی ای او ڈاکٹراسد اسلم نے تصدیق کرتے ہوئے کہا کہ رکن پنجاب اسمبلی شاہین رضا کورونا وائرس کے باعث انتقال کرگئی ہیں۔

تین روز قبل شاہین رضا میں کورونا وائرس کی تصدیق ہوئی تھی، جس کے بعد وہ میؤ اسپتال میں زیرِ علاج تھیں۔

شاہین رضا کو 17 مئی کو طبیعت ناساز ہونے پر ڈی ایچ کیو اسپتال گوجرانوالہ منتقل کیا گیا تھاجس کے بعد انہیں لاہورکے میو اسپتال کیلئے ریفر کیاگیا۔

ڈاکٹر اسد اسلم کے مطابق بیگم شاہین رضا بلڈ پریشر اور شوگر کی بھی مریضہ تھیں۔

شاہین رضا پنجاب سے خواتین کی مخصوص نشست پر ایم پی اے منتخب ہوئی تھیں۔ ان کی عمر 60 سال تھی۔

ذرائع کے مطابق مرحومہ کی تدفین مقامی قبرستان میں کی جائے گی۔