خالد انعم کا بچوں کو اردو سکھانے کےلئے اہم اقدام

شبین رضا

20th May, 2020. 02:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خالد انعم کا بچوں کو اردو سکھانے کےلئے اہم اقدام

پاکستان کے نامور اداکارو گلوکار خالد انعم نے کورونا وائرس کے باعث جاری لاک ڈائون میں گھر میں محدود بچوں کو تعلیم دینے اور خصوصی طور پر اردو سکھانے کےلئے ’سیپ آفیشل‘ نامی نیا یوٹیوب چینل لانچ کردیا ہے۔

تفصیلات کے مطابق خالد انعم کا اپنی اس کوشش کے بارے میں کہنا ہے کہ یہ چینل بچوں اور نوجوان نسل کو اپنی قومی زبان سکھانے کے لیے بنایا گیا جس میں تفریح اور رنگ برنگی ویڈیو بچوں کو مائل کرتی ہے۔

انھوں نے مزید کہا کہ میں سندھی، پنجابی اور پاکستان کی دیگر کئی مقامی زبانوں میں چیزیں تیار کرنا چاہتا ہوں، مجھے موسیقی پسند ہے، میں ان گانوں کو خود کمپوز کروں گا اور بچوں کے لیے آسان الفاظ میں گانے تحریر کروں گا، آپ کہہ سکتے ہیں کہ یہ اسکول جانے سے قبل بچوں کی تیاری ہے۔

واضح رہے کہ پاکستانی شوبز شخصیات اقراء عزیز، ہانیہ عامر، حنا الطاف ، نادیہ حسین،جگن کاظم،صبا قمر، فیصل قریشی، زاہد احمد سمیت کئی دیگر اپنے یوٹیوب چینلز چلا رہے ہیں۔