ٹرانسپورٹرز کا بسیں چلانے کا اعلان

شبین رضا

21st May, 2020. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹرانسپورٹرز کا بسیں چلانے کا اعلان

ٹرانسپورٹرز کے پنجاب حکومت سے مذاکرات کامیاب ہوگئے ہیں اور بسیں چلانے کا اعلان بھی کر دیا گیا ہے۔

تفصیلات کے مطابق آل پاکستان پبلک ٹرانسپورٹ اونرز فیڈریشن نے حکومت سے مذاکرات کے بعد ٹرانسپورٹ بحال کرنے کا اعلان کر دیا۔

ذرائع کے مطابق ٹرانسپورٹ ہاؤس لاہور میں حکومت اور ٹرانسپورٹ فیڈریشن کے درمیان مذاکرات ہوئے جن میں صوبائی وزیر صنعت میاں اسلم اقبال، وزیر ٹرانسپورٹ جہانزیب کھچی اور سیکرٹری ٹرانسپورٹ نے شرکت کی۔

حکومت نے جی ٹی روڈ پر چلنے والی بسوں میں ہر سیٹ پر مسافر کو بٹھانے کی اجازت دے دی۔

پنجاب میں جی ٹی روڈ پر 20 فیصد کرائے کی رعایت کے ساتھ بسوں میں تمام سیٹوں پر مسافروں کو بٹھانے کی اجازت دے دی گئی ہے جب کہ وفاقی حکومت کے ماتحت موٹروے پر رعایت کے بغیر ایس او پی کے تحت دو سیٹوں پر ایک مسافر بٹھایا جائے گا۔

واضح رہے کہ ٹرانسپورٹرز کا کہنا ہے کہ بسوں کا عملہ سینی ٹائزر اور ماسک کی پابندی کرے گا تاہم مسافر خود ماسک پہن کر آئیں۔