لاہور، موٹروے پولیس نے لڑکی کو اغوا کرنے کی کوشش ناکام بنا کر ایک با ر پھر بہترین کارنامہ سر انجام دے کر دل جیت لئے۔
تفصیلات کے مطابق موٹروے پولیس نے پیشہ ورانہ ذمہ داری کا مظاہرہ کرتے ہوئے خانیوال کے قریب سترہ سالہ نو جوان لڑکی کے اغوا کی کوشش کو ناکام بنایا۔
ذرائع کے مطابق موٹروے پولیس کے کرائم اسکواڈ نے خانیوال کے نزدیک کار کو ڈگمگاتے دیکھا، پٹرولنگ افسر نے کار کو روکنے کی کوشش کی تو کار سڑک سے نیچے اتر گئی۔
ترجمان موٹروے پولیس کے مطابق کار کے اندر ایک 17 سالہ لڑکی کو دو افراد تشدد کا نشانہ بنا رہے تھے جبکہ لڑکی نے بتایا کہ اسے نشہ آور ادویات دی گئی ہیں۔
اغوا کاروں نے پہلے لڑکی کو اپنی بہن بتایا اور بعد ازاں کہا کہ لڑکی کا دماغی توازن درست نہیں اسے ملتان لے کر جا رہے ہیں۔
Advertisement
دوسری جانب لڑکی نے انکشاف کیا کہ وہ ان لوگوں کو نہیں جانتی اور ملزمان نشہ آور ادویات دے کر اسے لاہور سے ملتان منتقل کر رہے تھے۔
واضح رہے کہ پولیس نے ملزمان کو گرفتار کر کے لڑکی کو مقامی پولیس کے حوالے کر دیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
