کراچی کےدیگراسپتالوں میں کورونا وارڈ بھرگئے،مزید مریض لینے سےانکار

ثمرا مظہر

28th May, 2020. 02:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کےدیگراسپتالوں میں کورونا وارڈ بھرگئے،مزید مریض لینے سےانکار

کراچی میں کورونا وائرس کے کیسز میں اضافے کے باعث شہر کے نجی اور سرکاری اسپتالوں میں کورونا کے لیے مختص وارڈ مریضوں سے بھر گئے۔

محکمۂ صحت سندھ کے مطابق شہر قائد کےبیشتر نجی اور سرکاری اسپتالوں نے کورونا کےمزید مریض لینے سے انکار کردیا ہے۔

ذرائع کے مطابق جناح اسپتال میں ایچ ڈی یو کے 19 بستروں پر مریض موجود ہیں، جبکہ آئی سی یو کے 17 بستروں پر مریض موجود ہیں۔

اسی طرح سول اسپتال میں مختص 12 وینٹی لیٹرز پر بھی مریض موجود ہیں۔

ذرائع کے مطابق انڈس اسپتال کے تمام 28 بستر اور 15 وینٹی لیٹر بھر گئے ہیں، اوجھا اسپتال کے تمام 50 بیڈ اور 16 وینٹی لیٹرز پر مریض موجود ہیں۔

دوسری جانب ضیاء الدین اسپتال کے مخصوص 51 بیڈ اور 6 وینٹی لیٹرز بھر گئے ہیں،آغا خان اسپتال میں کورونا وائرس کے مزید مریض لینے سے انکار کر دیا ہے اور اس سلسلےمیں باقاعدہ نوٹس بھی آویزاں کر دیا گیا ہے۔