امریکا میں پولیس کی حراست میں سیاہ فام شخص کی ہلاکت پر مظاہروں اور احتجاج کا سلسلہ جاری ہے تاہم اس احتجاج میں  فیس بک اور ٹوئٹرسمیت کئی کمپنیاں بھی شریک ہو گئی ہیں۔

فیس بک نے سیاہ فام شہریوں سے اظہار یکجہتی کرتے ہوئی اپنا لوگو سیاہ کر دیا ہے جبکہ کمپنی کے بانی نے اس حوالے سے ایک طویل مضمون بھی تحریر کیا ہے۔

فیس بک کے بانی مارک زکر برگ نے اپنی طویل پوسٹ شئیرکرتےہوئے کہا کہ ’ہم سیاہ فارم کمیونٹی کے ساتھ کھڑے ہیں اور ان تمام کے ساتھ بھی جو  انصاف کیلئے کام کر رہے ہیں جارج فلوئیڈ، بریونا ٹیلر،  احمود آربیری اور دیگر افراد کے نام کبھی فراموش نہیں کیے جائیں گے‘۔

مارک زکر برگ نے کہا ’میں جانتا ہوں کہ اس لڑائی میں مدد کیلئے فیس بک پلیٹ فارم کو سیاہ فام لوگوں کی برابری اور تحفظ کیلئے مزید اقدام کرنے کی ضرورت ہے‘۔

انہوں نے کہا کہ ’میں  شکرگزار ہوں کہ ڈارنیلا فرازیر نے جارج فلوئیڈ کے قتل کی ویڈیو فیس بک پر پوسٹ کی تھی کیونکہ ہم سب کو یہ دیکھنے کی ضرورت ہے، ہمیں جارج فلوئیڈ کا نام جاننے کی ضرورت ہے تاہم یہ واضح ہوگیا ہے کہ فیس بک کو لوگوں کو محفوظ رکھنے کیلئے مزید کام کرنا اور یہ یقینی بنانا ہے کہ ہمارا نظام تعصب کو بڑھاوا نہیں دیتا‘۔

مارک زکربرگ نے امداد کا  اعلان کرتے ہوئے کہا کہ ’انصاف کیلئے کام کرنے والی تنظیموں کو فنڈز کی ضرورت ہے اور اس کے لیے ہم ایک کروڑ ڈالر  کی امداد پیش کرتے ہیں‘۔

فیس بک کے بانی کا کہنا تھا کہ ’ہم اس کام کو آگے بڑھائیں اور یہ سامنے آگیا ہے کہ ابھی ہمیں بہت سے ا اقدامات کرنے کی ضرورت ہے‘۔

 دوسری جانب مائیکرو بلاگنگ ویب سائٹ ٹوئٹر نے بھی احتجاج میں شریک ہوتے ہوئے  اپنے  آفیشل اکاونٹ  کا لوگو  کرلیا ہے ۔

https://twitter.com/TwitterTogether/status/1266173332140904449?s=20

لوگو سیاہ ہونے کے علاوہ سوشل میڈیا پر#blacklivesmatter  بھی ٹرینڈ کر رہا ہے اس ہیش ٹیگ کے ذریعے  بھی جارج فلوئیڈ کیلئے انصاف کا مطالبہ کیا جارہا ہے۔

وا ضح رہے کہ 25 مئی کو منیسوٹا میں امریکی پولیس کے تشدد سے سیاہ فام شہری جارج فلائیڈ ہلاک ہوگیا تھا۔ اس واقعے کی ویڈیو وائرل ہوگئی ۔

 امریکی پولیس نے ہلاکت میں ملوث 4 اہلکاروں کو نوکری سے برطرف کردیا ہے تاہم مظاہرین ان پر قتل کا مقدمہ چلانے کا مطالبہ کررہے ہیں۔