وفاقی وزیر اطلاعات و نشریات شبلی فراز نے کہا ہے کہ انسانیت کے خلاف بھارتی جرائم میں کم سن بچوں کی قید اور ان کی شہادتیں عالمی ضمیر پر سوالیہ نشان ہیں۔ دنیا مقبوضہ کشمیری بچوں پر جاری بدترین ظلم و ستم کا نوٹس لے۔

تفصیلات کے مطابق جارحیت کا شکار بچوں کے عالمی دن پر اپنے پیغام میں وفاقی وزیر اطلاعات نے کہا کہ مقبّوضہ وادی میں غیر انسانی اور تاریخ کا طویل ترین لاک ڈاؤن جاری ہے۔ بیلٹ گنز کے بے رحم استعمال نے بچوں کی بصارت چھین لی ہے۔ مقبوضہ کشمیر میں بچے بھی قید و بند کی صعوبتیں برداشت کر رہے ہیں۔

جارحیت کا شکار بچوں کے عالمی دن کے موقع پر دنیا کشمیری بچوں پر جاری بدترین ظلم و ستم کا نوٹس لے۔ انسانیت کے خلاف بھارتی جرائم میں کم سن بچوں کی قید اور ان کی شہادتیں عالمی ضمیر پر سوالیہ نشان ہیں۔1/2

— Senator Shibli Faraz (@shiblifaraz) June 4, 2020

انہوں نے کہا کہ مقبوضہ کشمیر میں خوراک، ادویات اور بچوں کے لیے دودھ تک نہیں پہنچ پارہا۔ قابض بھارتی افواج کے جرائم پر انہیں کٹہرے میں کھڑا کیا جائے۔

پیلٹ گنز کے بے رحم استعمال نے بچوں کی بصارت چھین لی ہے۔وادی جنت نظیر میں غیر انسانی اور تاریخ کا طویل ترین لاک ڈاؤن جاری ہےجہاں بچے بھی قید و بند کی صعوبتیں برداشت کر رہے ہیں۔خوراک، ادویات،بچوں کیلئے دودھ تک نہیں پہنچ پارہا۔قابض افواج کے جرائم پر انہیں کٹہرے میں کھڑا کیا جائے۔2/2

— Senator Shibli Faraz (@shiblifaraz) June 4, 2020