رحیم یار خان میں موٹروے پر تیز رفتار کار میں آتشزدگی سے 4 افراد جاں بحق ہوگئے ۔
تفصیلات کے مطابق رحیم یارخان میں موٹروے 5 پر تیز رفتار کار الٹنے کے بعد اس میں آگ لگ گئی جس سے کار میں سوار ایک ہی خاندان کے 4 افراد جاں بحق اور 3 زخمی ہوگئے ہیں۔
ریسکیو ذرائع کے مطابق حادثہ ملتان سکھر موٹر وے 5 پر ترنڈہ محمد پناہ انٹر چینج کے قریب پیش آیا جہاں بدنصیب خاندان کی کار تیز رفتاری کے دوران بے قابو ہو کر الٹ گئی اور اس میں آگ لگ گئی۔
افسوسناک حادثے میں 2 بچوں اور خاتون سمیت 4 افراد جھلس کر موقع پر ہی جاں بحق ہوگئے جبکہ 2 خواتین اور 1 بچے سمیت 3 افراد شدید زخمی ہیں۔
ذرائع کے مطابق زخمیوں کو شیخ زید اسپتال کے برن یونٹ میں منتقل کیا گیا ہے جہاں 2 خواتین کی حالت تشویش ناک ہے۔
Advertisement
واضح رہے کہ حادثے کا شکار ہونے والا خاندان بہاول پور سے رحیم یار خان آ رہا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
