آن لائن گیم پب جی نے ایک اور نوجوان کی جان لے لی ،بھارت میں پب جی گیم کھیلنے والے 14 سالہ لڑکے نے خودکشی کرکےزندگی کا خاتمہ کرلیا ۔
غیرملکی خبررساں ادارے کی رپورٹ کے مطابق خودکشی کا یہ واقعہ بھارتی ریاست راجستھان کے شہر کوٹا میں پیش آیا ہے جہاں نوجوان رات بھر گیم کھیلتا رہا تاہم بعد میں اس نے خودکشی کرلی ۔
پولیس کے مطابق لڑکے نے واقعے سے تین روز قبل اپنی والدہ کے فون میں پب جی گیم ڈاؤن لوڈ کیا تھا اور وہ تین روز سے مسلسل گیم کھیل رہا تھا۔
پولیس کا کہنا ہے کہ لڑکے کا بھائی جب پڑھائی کرکے کمرے میں سونے کے لیے آیا تو رات تین بجے کے وقت بھی وہ گیم کھیلنے میں مشغول تھا جس کے بعد اس کا بھائی سو گیا اور صبح دوسرے کمرے میں اپنے بھائی کو لٹکا ہوا پایا۔
رپورٹ کے مطابق مذکورہ لڑکے کے اہلخانہ اسے فوری طور پر اسپتال لے گئے جہاں ڈاکٹروں نے موت کی تصدیق کردی۔
Advertisement
رپورٹ کے مطابق لڑکا نویں جماعت کا طالب علم اور بھارتی فوجی اہلکار کا بیٹا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
