پاکستان اور انگلینڈ کے درمیان سیریز کا مجوزہ شیڈول سامنے آگیا۔
برطانوی میڈیا رپورٹس کے مطابق قومی کرکٹ ٹیم کے لیے انگلش کرکٹ بورڈ نے 26 سے 29 جون تک پرائیویٹ جیٹ کا انتظام کیا ہے۔
26 جون کو خصوصی طیارہ قومی ٹیم کو لینے لاہور پہنچے گا،پاکستان ٹیم 27 اور 28 جون کی درمیانی رات انگلینڈ روانہ ہو گی۔ پاکستان کرکٹ ٹیم کے کھلاڑی برمنگھم میں 14 روز کا قرنطنیہ اورپھر پریکٹس کریں گے۔
پاکستان اور انگلینڈ کے درمیان پہلا ٹیسٹ میچ 5 اگست کو مانچسٹر میں کھیلا جائے گا جبکہ دوسرا ،تیسرا ٹیسٹ اور ٹی ٹوئنٹی سیریز ساؤتھمپٹن میں کھیلی جائے گی۔
ٹی ٹوئنٹی سیریز 28 اگست سے یکم ستمبر تک کھیلی جائے گی۔
Advertisement
پاکستان ٹیم کے سفری انتظامات پر 5 لاکھ پاؤنڈ کی لاگت متوقع ہے، جبکہ بند دروازوں میں کھیلی جانے والی اس سیریز سے میزبان بورڈ کو 70 سے 75 ملین پاونڈز ٹی وی رائٹس کی مد میں ملیں گے۔
مجوزہ شیڈول کے حوالے سے پی سی بی ذرائع کا کہنا ہے کہ ابھی کچھ بھی کہنا قبل از وقت ہے، میزبان بورڈ کے ساتھ جلد ٹیلی کانفرنس ہوگی جس میں دورے کی تمام تفصیلات کو حتمی شکل دی جائے گی۔
پی سی بی ذرائع کا کہنا ہے اگلے ہفتے سیریز کے شیڈول کا باقاعدہ اعلان ہوسکتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
