نیلام گھر سے شہرت حاصل کر نے والے پاکستان ٹی وی کے معروف کمپیئر طارق عزیز انتقال کر گئے۔
تفصیلات کے مطابق طارق عزیز کی عمر 84 برس تھی اور وہ گزشتہ کچھ عرصے سے علیل تھے ۔
طارق عزیز ادیب، شاعر اور سابق رکن قومی اسمبلی بھی تھے، انہوں نےکئی فلموں میں اپنی اداکاری کے جوہر دکھائے۔
طارق عزیز نے ریڈیو پاکستان لاہور سے اپنی پیشہ ورانہ زندگی کا آغاز کیا۔
1964ء میں پاکستان ٹیلی وژن کا قیام عمل میں آیا تو طارق عزیز پی ٹی وی کے سب سے پہلے اینکر تھے۔
Advertisement
طارق عزیز انتقال کرگئے#TariqAziz #BreakingNews #BOLNews pic.twitter.com/2cfXnOJqxD
— BOLNetwork (@BOLNETWORK) June 17, 2020
حکومتِ پاکستان کی طرف سےانھیں 1992ء میں حسن کارکردگی کے تمغے سے بھی نوازا گیا۔
طارق عزیز نے سیاست میں بھی حصہ لیا اور 1997 میں قومی اسمبلی کے رکن منتخب ہوئے۔
Advertisement
انھیں اصل شہرت سرکاری چینل پی ٹی وی کے معروف گیم شو نیلام گھر سےحاصل ہوئی، وہ اس پروگرام کی کئی سالو ں تک میزبانی کرتے رہے۔
ٹی وی کے ساتھ ساتھ انھوں نے پاکستانی فلموں میں بھی کام کیا ،ان کی سب سے پہلی فلم انسانیت (1967 ) تھی ۔
طارق عزیزکی دیگر مشہور فلموں میں سالگرہ، قسم اس وقت کی، کٹاری، چراغ کہاں روشنی کہاں، ہار گیا انسان قابل ذکر ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
