متحدہ عرب امارات سے تعلق رکھنے والے ڈیزائنر نے دنیا کے مہنگے ترین جوتے تیار کرلیے۔

غیر ملکی خبر رساں ادارے   کے مطابق اٹالین نژاد امارتی شہری نے دو روز قبل خالص سونے اور ہیروں اور قیمتی پتھروں سے تیار ہونے والے جوتے نمائش کے لیے پیش کردیےہیں  ۔

برطانوی میگزین کی رپورٹ کے مطابق انتووائتری نامی ڈیزائنر نے جوتے میں نایاب شہابی پتھر بھی شامل کیاہے ، خواتین کے ان جوتوں کی قیمت ایک کروڑ 90 لاکھ ڈالر (تقریبا تین ارب روپے) مقرر کی گئی۔

رپورٹ کے مطابق سینڈل کی ہیل کو خالص سونے سے تیار کیا گیاہے   جبکہ اس  قیمتی  جوتے  کا ڈیزائن دبئی کی مشہور عمارات ’برج الخلیفہ‘ سے ملتا ہے اور ان میں تیس قیراط ہیرے جڑے  ہوئے  ہیں۔

https://twitter.com/worldluxurynews/status/1182928993613471744

دبئی میں ہونے والی نمائش میں جوتوں کو پیش کیا گیا جہاں شائقین اس منفرد جوتے کو دیکھنے جمع ہوئے  لیکن  جب انہیں ا ن نایاب  جوتوں  کی  قیمت   معلوم ہوئی تو   سب کے سب حیرت میں مبتلا  ہوگئے۔

ان قیمتی  جوتوں  کو  تیار  کرنے والے ڈیزائنر  انتووائتری نے اس  سے قبل 2017 میں  بھی 24 قیراط خالص  سونے  سے  جوتوں  کو  تیار کیا  تھا  جن  کی  قیمت  120،000  درہم تھی  ۔

واضح رہے   کہ اس سے قبل مہنگے ترین جوتے بنانے کا اعزا برطانوی ڈیزائنر کے پاس تھا۔ اُن کے جوتوں میں بھی سونے اور ہیروں کا استعمال کیا گیا تھا جن کی قیمت ڈیڑھ کروڑ ڈالر تھی۔