بھارت میں شوہرنےواٹس ایپ پراہلیہ کوطلاق دے دی،اہلیہ کی شکایت پرپولیس نےمقدمہ درج کرکے تحقیقات شروع کردی ہے۔

غیرملکی خبررساں ادارے کی رپورٹ کے مطابق بھارتی ریاست سمبھل کی رہائشی  خاتون کودبئی میں مقیم شوہرنے واٹس ایپ پر طلاق  دے دی ہے۔

پولیس کے مطابق دبئی میں مقیم شوہر نے اہلیہ کو واٹس ایپ پر تین طلاقیں دیں، حیات نگر پولیس نے مقدمہ درج کرلیاہے۔

امام ناز نامی خاتون کا کہنا ہے کہ میری شادی رفیع صدیقی سے بھارتی ریاست علی گڑھ میں 2016 میں انجام پائی تھی۔

حیات نگر کے ایس ایچ او رویندر پرتاپ کے مطابق خاتون نے بتایا کہ وہ شادی کے بعد کچھ عرصے شوہر کے ہمراہ دبئی میں رہی ہیں جبکہ شوہر ابھی دبئی میں ہی مقیم ہے

پولیس کے مطابق خاتون امام ناز کا کہنا ہے کہ شوہر اور ان کے اہل خانہ کی جانب سے گزشتہ کئی ماہ سے گاڑی اور پیسوں کا مطالبہ کیا جارہا تھا جسے وہ دینے سے قاصر تھی۔

خاتون نے مزید  کہا   کہ 22 نومبر کو رفیع صدیقی نے مجھے واٹس ایپ پر طلاق دی۔

بھارتی پولیس کا کہنا ہے کہ خاتون کی شکایت پر مقدمہ درج کرکے تحقیقات کا آغاز کردیا گیا ہے۔

واضح  رہے کہ   چند    ماہ قبل  بھارت میں ہی   شوہر نے اہلیہ کو واٹس ایپ پر طلاق دی تھی جس پر ہنگامہ کھڑا ہونےکے بعد    پولیس نے سسرالیوں کے خلاف مقدمہ درج کرلیا تھا۔

 اس کے علاوہ  2015  میں   بھارت کے  شہر   کیرالہ  میں  21  سالہ   لڑکی کو  صرف شادی  کے تین ماہ  بعد  شوہر  نے  واٹس ایپ  کے زریعے  طلاق دی  تھی  ۔