انسانی منہ میں  32 سے ذائد دانتوں کے بارے میں سب نےسنا ہی ہوگالیکن کیا کبھی آپ نےانسانی ناک میں دانت نکلنےکےبارےمیں  سناہے؟ نہیں تو ہم آپ  کوچین  کےرہائشی  شخص  کے بارے میں بتائیں  گےجس کی ناک کے اندرواقعی دانت نکل آیا۔

چینی میڈیا کے مطابق30 سالہ ژانگ بنسینگ کو تین ماہ سے سانس لینے میں مشکلات کا سامنا تھا جس کے بعد بالآخر انہوں نے ڈاکٹر سے رجوع کیا۔ ڈاکٹر نے معائنہ کے  بعد  سانس لینے میں دشواری کی ایک انوکھی وجہ بتائی  ۔

متاثرہ شخص نے ڈاکٹرز کو بتایا کہ انہیں چند ماہ سے رات میں سوتے وقت دشواری کا سامنا ہوتا ہے کیونکہ انہیں ٹھیک سے سانس نہیں آتی اور  اس کے ساتھ ساتھ انہیں سانس لیتے وقت ایک مخصوص بدبو بھی آتی ہے۔

ڈاکٹر نے ان کی علامات کو مدِنظر رکھتے ہوئے ژانگ بنسینگ کو ایکسرے کرانے کا مشورہ دیا جس کے بعد ڈاکٹرز نے ایکسرے میں ان کے ناک کے پچھلے حصے میں ایک ٹھوس چیز کا عکس دیکھا۔

 ماہرین نے ژانگ کو سمجھایا کہ ان کے نتھنوں کے پیچھے موجود ٹھوس چیزان کا گمشدہ دانت ہےجسےسن کرژانگ حیران رہ گئے۔

زانگ بنسینگ 10 سال کی عمر میں ایک شاپنگ مال میں تیسری منزل سے نیچے گرے تھے جس کی وجہ سے ان کا ایک دانت متاثر ہوا تھا۔ ڈاکٹر نے انہیں بتایا کہ ناک کے نتھنوں کے پچھلے حصے میں اس دانت کی جڑیں موجود تھیں جس کی وجہ سے یہ دانت وہاں نکلا۔

چین کے شہر ہاربن میں واقع ہاربن میڈیکل یونیورسٹی اسپتال کے ڈاکٹر گولونگمئی نے کہا کہ ژانگ کی ناک میں نکلنے والا دانت ایک سینٹی میٹر لمبا تھا جسے آدھے گھنٹے کی سرجری کے بعد نکال لیا گیا۔

واضح رہے کہ ناک کے اندر دانت نکل آنا ایک بہت ہی غیر معمولی میڈیکل کنڈیشن سمجھی جاتی ہے اور دنیا میں صرف 0.1 فیصد لوگ ہی اس سے متاثر ہوئے ہیں۔

 اس  سے قبل رواں سال مارچ میں ڈنمارک کےشہری نےسانس لینے میں  دقت اورسونگھنےکی حس متاثر ہونےپرڈاکٹر سے رجوع کیا تومعلوم ہواکہ ان  کےناک میں دانت نکل آیا تھا ۔