برطانیہ سےتعلق رکھنے والی 11 سالہ  ہولی لوونڈزکو آئرن مین کابازو لگادیا دیا۔

ہولی لوونڈزپیدائشی طورپردائیں ہاتھ سے محروم تھیں تاہم انہیں اب 5 ہزار پاؤنڈ کی مالیت سے منفرد ودلچسپ بایونِک بازو لگادیا گیا ہےجس کے بعد اب وہ معمولاتِ زندگی انجام دینے لگی ہیں۔

گیارہ  سالہ ہولی پیدائشی طورپر رحمِ مادر میں ایک نقص سے دوچار ہوئیں اور ان کا ہاتھ نہیں بن سکا لیکن اب آئرن مین کی جیسی ساخت والے مشینی بازوکی بدولت وہ سائیکل چلاسکتی ہیں، رسی کود سکتی ہیں،وہ روزانہ اپنے بالوں میں کنگھی اور دانت برش کرنے میں مشینی بازو کو استعمال کررہی ہیں۔

نائیونک بازو کے ذریعے وہ پہلی مرتبہ کرسمس کا تحفہ خود کھولیں گی اور اس میں موجود تحفے دونوں ہاتھوں سے تھام سکیں گی۔ جب پہلی مرتبہ انہیں بازو لگایا گیا تو ان لمحات کو یاد کرتے ہوئے ہولی نے کہا کہ وہ خوشی کے مارے کچھ کہنے سے قاصر تھیں تاہم اب بازو لگنے کے بعد ایسا لگ رہا تھا کہ جیسے وہ مکمل ہوچکی ہیں۔

ہولی کاکہناہےکہ انہیں اپنے ہاتھوں سے کرسمس درخت سجانے کا بے انتہا شوق تھا اور اس سال ان کی یہ خواہش بھی پوری ہوگئی۔

ڈاکٹرزاب بھوت کورس  بھی کریں گے

سالِ نو کی تقریبات ہولی کے لیے حیرت انگیز جادو کا درجہ رکھتی ہیں۔ ان کے والد کے مطابق جب بیٹی کو بازو لگایا گیا تو خوشی کے مارے رو پڑی تھیں۔

ہولی کے والدین نےنوٹ کیا ہےکہ بازو لگنے کے بعد ان کی بیٹی کےچہرے پرہمیشہ سے ایک مسکراہٹ ہے اور وہ دن بدن نکھرتی جارہی ہیں۔ اب وہ اپنے جوتے کے تسمے بھی دونوں ہاتھوں سے باندھ سکتی ہیں۔