امریکا میں 75 سالہ خاتون 11 سال تک اپنے شوہر کی لاش فریزر میں چھپا کر اس کی پنشن وصول کرتی رہی۔

امریکہ کی ریاست اوٹاہ میں پولیس کومعمول کے ویلفیئرچیکنگ  کےدوران گھرسے 75 سالہ خاتون مردہ حالت میں ملیں۔

پولیس نےلاش کو سرد خانےبھجواکرگھر کی چیکنگ کی تو ان کی حیرت کی انتہا نہ رہی کہ  فریزرسےخاتون کےشوہرکی لاش برآمد ہوئی۔

خاتون نے اپنے شوہر کے بارے میں مشہور کررکھا تھا کہ وہ ناراض ہوکرانہیں چھوڑکرکہیں چلا گیا ہے۔

مردہ شخص کی شناخت پال میتھرکےنام سےہوئی ہےجبکہ پال میتھرکوآخری بار 2009  میں دیکھا گیا تھا۔

پولیس اس بارے میں تحقیق کررہی ہےکہ آیا خاتون نےاپنےشوہرکوقتل کیایاوہ کسی وجہ سےانتقال کرگیااورخاتون نے اس کی لاش فریزر میں چھپا دی۔

پولیس ڈیپارٹمنٹ کےسارجنٹ جیریمی ہینسن کاکہناتھاکہ میں یہاں گزشتہ تیرہ سالوں سےتعینات ہوں لیکن میرےسامنےیہ پہلاعجیب وغریب کیس آیا ہے اس سے قبل ہمارے پاس ایسا کوئی کیس نہیں آیایادیکھاگیا۔

پولیس کےمطابق خاتون نے یہ حرکت ممکنہ طور پر اپنے شوہر کی پنشن وصول کرنے کے لیے کی۔ 11 سال کے عرصے کے دوران خاتون نے 1 لاکھ 77 ہزار ڈالرز حاصل کیے۔

امریکامیں انوکھاسیب تیار

پولیس کوگھرسےایک خط بھی ملا جو شوہر کی جانب سے لکھا گیا تھا اور اس میں درج تھا کہ ’میری موت میں میری بیوی کا کوئی ہاتھ نہیں‘۔ پولیس کا کہنا ہے کہ ممکن ہے خاتون نے خود ہی یہ خط لکھ رکھا ہو۔

پولیس نے مکان کو سیل کر کے کیس کی تفتیش کا آغاز کردیا ہے۔

ہینسن نےمزیدبتایاکہ میتھرس کی موت کی وجہ معلوم کرنے کےلئےپوسٹ مارٹم رپورٹ کےانتظار کیاجارہاہےلیکن اس کےساتھ   جاسوس تفتیش بھی کررہےہیں۔