بھارتی فوجی نےاپنی ہی فوج پرخودکُش حملہ کردیا۔

بھارتی میڈیاکےمطابق بھارت کی مسلح بارڈرفورس کے اہلکار نے اپنے ہی ساتھیوں پر فائرنگ کرکےپانچ فوجی ہلاک کردیے۔

بھارتی فوجی نے اپنے ساتھیوں کوہلاک کرنے کے بعد پھر اسی بندوق سے خود کشی کرلی۔

بھارتی میڈیا کے مطابق چھتیس گڑھ میں انڈو تبتی بارڈر پولیس کے کانسٹیبل مسعود الرحمان نے اپنے ساتھیوں پر فائرنگ کردی۔

واضح رہے کہ یہ وسطی ریاست طویل عرصے سے بائیں بازو کی شورش زدہ ہے۔آئی ٹی بی پی کے جاری کردہ ایک بیان کے مطابق 7 اہلکاروں پر فائرنگ کرنے کے بعد خود کو گولی مار دی۔

علاوہ ازیں دو زخمیوں کو ریاستی دارالحکومت رائے پور منتقل کردیا گیا۔معدنیات سے مالا مال چھتیس گڑھ بھارت کی انتہائی غریب ریاستوں میں شامل ہے جہاں ماؤنواز باغی کئی دہائیوں سے زمین اور وسائل پر اپنے حقوق کیلئے لڑ رہے ہیں اور1960 کی دہائی سےاب تک ہزاروں فوجی، باغی اوردیگر ہلاک ہوچکے ہیں۔

ان گروپوں کوختم کرنے کے لیے حکومت نے ہزاروں پولیس اور خصوصی کمانڈوز تعینات کیے ہیں۔2016 کے بعد سے اب تک بھارتی فوج میں 300 سے زیادہ خودکشی اور ایک دوسرے کو مارنے کے واقعات پیش آچکے ہیں جس کے بعد حکومت نے مشیران، ہیلپ لائنز کی فراہمی اور یہاں تک کہ یوگا جیسے اقدامات اٹھائے۔

واضح رہے کہ مقبوضہ کشمیر میں گزشتہ روز 4 فوجی ہلاک ہوگئے تھے ان میں سے 3 برفانی تودے اور ایک برفانی طوفان میں ہلاک ہوگیا تھا۔