کورونا وائرس کی وباء نے پوری دنیا کو اپنی لپیٹ میں لے رکھا ہےاور لوگ اس سے بچنے کے لیے سماجی دوری اختیار کر رہے ہیں۔

کورونا وائرس  میں لوگوں کو عام طور پر فلو، کھانسی اور بخار ہوتا ہے اور یہ ایک انسان سے دوسرے انسان میں تیزی کے ساتھ منتقل ہوسکتا ہے۔

دنیا بھر میں لوگوں ڈاکوؤں اور دیگر مجرموں سے زیادہ  چھینکنے اور کھانسنے والے افراد سے  ڈر لگ رہا ہے اور ایسے ہی افراد کو سب سے بڑا خطرہ سمجھا جا رہا ہے۔

ایسے مسائل کے پیش نظر متعدد ممالک میں  اس سے بچاؤ کے لیے سخت اقدامات کیے جا رہے ہیں۔

یہ لازم نہیں ہے کہ تمام چھینکنے اور کھانسنے والے افراد  ہی کورونا سے متاثر ہوتے ہیں  لیکن پھر بھی لوگوں میں ایک خوف پایا جاتا ہے۔

اسی خوف کو مد نظر رکھتے ہوئے برطانیہ  کی کچھ ریاستوں نے سخت قوائد و ضوابط کی تجویز پیش کرتے ہوئے لوگوں کے قریب کھانسنے اور تھوکنے والے افراد کو 2 سال تک قید کی سزا کی تجویز پیش کی ہے۔

ایک برطانوی اخبار کے مطابق برطانیہ کی کچھ ریاستوں میں پہلے سے ہی کھانسنے اور تھوکنے والے افراد کے حوالے سے سخت ضوابط نافذ ہیں تاہم نئی تجاویز کے مطابق اب کھانسنے والے افراد کو 2 سال کی سزا بھی دی جا سکے گی۔

برطانوی اخبار کی رپورٹ کے مطابق اس تجویز کا مقصد  بالخصوص پولیس، محکمہ صحت اور دیگر سرکاری ملازمین کی حفاظت کو یقینی بنانا ہے  کیوں کہ بعض لوگ سرکاری ملازمین کو ٹارگٹ بنا کر ان کے قریب کھانسنے سمیت ان کے قریب تھوکتے ہیں۔