جرمنی میں پولیس ہزاروں جعلی کورونا ویکسین سرٹیفیکیٹس کے متعلق تحقیقات کر رہی ہے۔

جرمن نیوز ایجنسی نے بدھ کو رپورٹ کیا ہے کہ جرمنی میں پولیس جعلی کورونا ویکسین سرٹیفیکیٹس کے ہزاروں کیسز کے متعلق تحقیقات کر رہی ہے۔

رپورٹ میں بتائے گئے جرمنی کی 16 ریاستوں کے اعداد و شمار کے مطابق ملک بھر میں 12 ہزار سے زائد پولیس تحیقیقات کُھلی ہوئی ہیں۔

ڈچ نیوز ایجنسی نے بتایا کہ ان تحقیقات میں اضافہ دسمبر میں ہوا جب حکام نے نئی پابندیوں کا اعلان کیا جس کا بڑا مقصد غیر ویکسین شدہ لوگوں کو عوامی زندگی سے دور رکھنا ہے۔

وہ لوگ جو جعلی سرٹیفیکیٹس سپلائی کر رہے ہیں یا استعمال کر رہے ہیں انہیں سخت سزاؤں کا سامنا ہو سکتا ہے، جن میں جرمانے سے لے کر قید اور نوکری سے نکالا جانا شامل ہے۔

استغاثہ نے ایک خاتون کا معاملہ سامنے آنے پر قتل کی تحقیقات کر دی ہیں۔ خاتون نے جعلی ویکسین سرٹیفیکیٹ استعمال کرتے ہوئے نرسنگ ہوم میں کام جاری رکھا، باوجود اس کے کہ ان کے گھر کے افراد کووڈ-19 میں مبتلا ہوئے۔

تقریباً 73 فی صد جرمن آبادی نے کووڈ-19 کی ویکسین کا مکمل کورس کر لیا ہے جبکہ 48 فی صد کے قریب افراد نے اضافی بوسٹر شاٹ بھی لگوا لیا ہے۔

بدھ کے روز جرمنی میں ریکارڈ نئے کیسز سامنے آئے۔

جرمنی کی ڈِیزیز کنٹرول ایجنسی نے گزشتہ 24 گھنٹوں میں 1 لاکھ 12 ہزار323 نئے کیسز اور کووڈ سے ہونے والی 239 اموات رپورٹ کی ہیں۔